الى
من قال احبكِ وغدر
الى من ظن ان الرجولة هي اللهو بمشاعر فتاة بوعود كاذبة..
الى كُل من نطق كلمة أحبك ولم يكن أهل لتلكَ الكلمة العظيمة المقُدسة..
______
تظل كلمة أحبـــــك عهد مكتوب
وبيها الرجل يثبت فعله من قوله
الرجولة فعل مو بالقول واللــــه
ولا كلمة وحجي ووعود مهمولة
حيف اعله الزلم من تحنث الحلفان
وتغلفها الخديعـــــة بكلمة معسولة
وحيف اعله الرجُل لو سقط بالمحظور
وتنصل بالغــــدر بلا ذمة مسؤولة
وعاف الي يحبها تواجه المحتوم
وباع الشرف كلـــه بإيــد مغلولة
جان بكُل كلامه انتي كل الكــون
أحبــج وأعشكَـــج والزفة مأموله
وتاليها الكلام اتبخر اويه الريح
وتاليها الوعــــد طعنات مسلوله
وتاليها الحبيبة الغالية الأمنت بيه
بسيوف الغـــدر أصبحت مقتولة
وحيدة بوسط غـــابــة والذيابة اهواي
ماعــــدها ذنب تحجيـــــه وتكَوله
ذنبها بهالحيـــاة أمنت بانســــان
تصورته شهم وافعاله من قوله
طلع هالشهم ذرة شرف ما بيه
وطلع أصله خبيث وبيه كل لوله
فهموني الرجولة وين يا هالناس
لوضاع الشرف والغيرة مشلولة
لو ضاع الشرف والغيرة مشلولة
.....
((بقلمي))
المرفقات
التعديل الأخير بواسطة المشرف:
الرجال لايغدرون
