هاي قويه
وحده تكول آني زوجي حبيبي أشتغل ويه الأمريكان أول مانزلوا بالمطار !!!!
تكول آني خفت عليه وتعاركت وياه وزعلت علمود يبطل مافاد!!!!!!!
آني أخاف عليه أبو جهالي!!!!!!
كمت أتفقت ويه إبن عمي كتله أريدك تكتبلي تهديد بورقه بالطابعه مالتكم ..
كتب التهديد وحطيت وياه طلقه (رصاصة) !!!!!
علمود بلكي يبطل أبو جهالي شسوي أموت عليه زوجي !!!!!!
كملنا الفلم وفات للبيت ووجهه بيه 100 لون وآني أباوع عليه سألته شبيك ؟؟؟؟؟؟؟؟
طلع الورقه من جيبه والطلقه وبس يصفن جان حلكه ينعوج وعين فاتحها وعين مغمضها!!!!!!!
وكع بالكاع وأبو جهالي صار بيه شلل نصفي!!!!!!!
وبعدها صار مقعد أبو جهالي واني كمت ألوم نفسي كلت أعترف بلكي ترجعله عافيته !!!!!!
كلتله ،،،،،، حبيبي التهديد آني كتبته الك !!!!!
كام يرفس ورجله ماتشتغل لأن نص جسمه يتحرك ونص لا !!!!!!!
ويبربر يكلي تتتت بببتت... تتررتت !!!!!
وكلما يشوفني يرددها!!!!!!!
أريد إستشارتكم أخاف طلكني بهل الكلمات واني افتر كدامه بلا حجاب وحرام