أداة تخصيص استايل المنتدى
إعادة التخصيصات التي تمت بهذا الستايل

- الاعلانات تختفي تماما عند تسجيلك
- عضــو و لديـك مشكلـة فـي الدخول ؟ يــرجى تسجيل عضويه جديده و مراسلـة المديــر
او كتابــة مــوضـــوع فــي قســم الشكـاوي او مـراسلــة صفحتنـا على الفيس بــوك

استاهلك شهكة عوافي 💕

بَسّمَلَه

Well-Known Member
إنضم
6 أكتوبر 2024
المشاركات
778
مستوى التفاعل
5,007
النقاط
93
كاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
غاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع

للكبير عريان السيد خلف

٢٠٢٤١٢١٢_٠٧٤٣١١.jpg
 

الشيخ

لاتنسى ذكر الله
إنضم
8 فبراير 2015
المشاركات
64,140
مستوى التفاعل
6,394
النقاط
125
الإقامة
العراق
الله يرحم الشاعر الكبير عريان


بسمله
روعه الجلب
يسلمو 🌺
 

رمااد اانسان

طاقم الإدارة
تجربة
إنضم
4 يونيو 2014
المشاركات
207,045
مستوى التفاعل
77,449
النقاط
200
الإقامة
العراق
رؤؤؤؤعة ذووق يسلمووو
اختيار موفق يستحق الشكر والثناء
 

mohammed.shams

نائب الادارة
طاقم الإدارة
تجربة
إنضم
31 يناير 2017
المشاركات
2,403,356
مستوى التفاعل
114,365
النقاط
767
شكرا للجهود المبذولة
 

mohammed.shams

نائب الادارة
طاقم الإدارة
تجربة
إنضم
31 يناير 2017
المشاركات
2,403,356
مستوى التفاعل
114,365
النقاط
767
شكرا للجهود المبذولة
 

العذبه

كلي على بعضي عذوبه
إنضم
27 يناير 2018
المشاركات
40,478
مستوى التفاعل
57,330
النقاط
113
ابيات جميله
تسلم الايادي
دوم الإبداع والتميز
تحياتي
 

الذين يشاهدون الموضوع الآن 1 ( الاعضاء: 0, الزوار: 1 )