كَلت انسى وما نسيت
وقشمرت روحي وحجيت
كَلت ابعد عنكم انه
وبدرب أظلم مشيت
ورحت وبهاي المتاهه
عشت أيام وشهور
وفلشت كلشي بنيته
وحطمت كل الجسور
وجان ظني بسرعه انسى
والظلام يصير نور
وأضحك وأحلامي تبجي
شمقسى شهكَات الصدور
يا زمن كافي عليه
كافي تكتلني وتروح
ليش من دون الخلائق
أبني وتهد الصروح
كافي ما أحمل مصائب
كافي ما أحمل جروح
أو أكَلك.. بكيفك انت
بعد ما اهتم أبد
هم شفت ميت يعاني
لو بقى بليه لحد
....
بقلمي الآن
️
