- إنضم
- 5 أغسطس 2019
- المشاركات
- 88,159
- مستوى التفاعل
- 7,496
- النقاط
- 187
- الاوسمة
- 1
الروح شُمّيسة صُبـح
تشرگ على سطوح الحبيب
تشـرگ وبوساتها الشَگره نحـيب
تنـزف الألوان ..
ويطـگ الخَضـار ،
تمشط سطـوح الأحبهم
دار ..
دار ..
تمشي شُمّيسة حَنيـن ..
عالكبــار
وعالزَّغـار ..
عالغريـب
وعالخـوال
وعالعَـمام ..
عالسنابـل
عالبـلابـل ،
عالحمـام ..
تمشّط الدنيـا ضـوه ..
تحلّي نسمات الفرح للنـاس
وتبوس الهوى..
شَگره حيـل وهايمـه، تـوّزع غَـرام
وگبل متغيـب بحـزنها ..
الناس كـل الناس تصـرخ
سلّمت شَـمسْ الغَريـب
ومحد يـرد السـلام،
روحي مَچرِيه شحلاها؟
بـ الحزن ..
بـ الناس ..
بـ الهَـم ..
بالصَـبر ،
بالأغاني البيـض ..
بـ الطِـب ..
بـ الشِعـر ،
بالكِتُـب..
بـ الليـل ..
بـ الحُب..
بـ الجِـگاير… .
بـ الأيام السُـود ..
بـ نجـوم الظُـهر ،
بـ الأماني الزاهية بشَمس العصر ،
كلشي بيها يعيشْ روحي ..
تلـگه ماي ،
ماي گاعد بالجَـمُر
بالسِـلم روحي حَمـامه
وبالحَـرب روحي انتقام
وبالعشـگ
كلّـش مَـلامة
تـنوّم الدنيا بحزنها
وماتنام و
وهاي روحي گبـالكم گمرة
وصَـفگ جنحين
بولاية حَمام،
بهاء سوادي
تشرگ على سطوح الحبيب
تشـرگ وبوساتها الشَگره نحـيب
تنـزف الألوان ..
ويطـگ الخَضـار ،
تمشط سطـوح الأحبهم
دار ..
دار ..
تمشي شُمّيسة حَنيـن ..
عالكبــار
وعالزَّغـار ..
عالغريـب
وعالخـوال
وعالعَـمام ..
عالسنابـل
عالبـلابـل ،
عالحمـام ..
تمشّط الدنيـا ضـوه ..
تحلّي نسمات الفرح للنـاس
وتبوس الهوى..
شَگره حيـل وهايمـه، تـوّزع غَـرام
وگبل متغيـب بحـزنها ..
الناس كـل الناس تصـرخ
سلّمت شَـمسْ الغَريـب
ومحد يـرد السـلام،
روحي مَچرِيه شحلاها؟
بـ الحزن ..
بـ الناس ..
بـ الهَـم ..
بالصَـبر ،
بالأغاني البيـض ..
بـ الطِـب ..
بـ الشِعـر ،
بالكِتُـب..
بـ الليـل ..
بـ الحُب..
بـ الجِـگاير… .
بـ الأيام السُـود ..
بـ نجـوم الظُـهر ،
بـ الأماني الزاهية بشَمس العصر ،
كلشي بيها يعيشْ روحي ..
تلـگه ماي ،
ماي گاعد بالجَـمُر
بالسِـلم روحي حَمـامه
وبالحَـرب روحي انتقام
وبالعشـگ
كلّـش مَـلامة
تـنوّم الدنيا بحزنها
وماتنام و
وهاي روحي گبـالكم گمرة
وصَـفگ جنحين
بولاية حَمام،
بهاء سوادي
