ظهر عيني انكسر كد ما الك تانيت

بوسط زردوم عيني اتغص صور ذكراك
وابلع ريج شوفي وتختنك عيني

على قبلة وداعك جم نفس مذبوح
ارفست رية شبابي ومات عشريني

يل طبعك رمل واسنيني طاسة ماي
وعلى رملة وداعك كلي تجفيني

ظهر عيني انكسر كد ما الك تانيت
وتحودب كل رمش واجفاك يحنيني

عليمن تلتفت عمري السحكته ابعيد
بكثر خطوات جدمك ما رد اسنيني

جذب مطروق جرحي وخايف امن أحجيه
يصفكوله ابحراره وخاف يجويني