،،، قصيدة اﻻم،،،،
اهداء الى كل من فقد امة وخصوصا اخي الشاعر المبدع الكبير عزيز شامخ واﻻخ سﻻم البيضاني،، داعيا من اللة ان يلهمهم الصبر ويتغمدهن برحمتة الواسعة
بعتبة باب كلبي اخلعها نعليك،،،، انت بجنة امي تريد تسجد
طب ابراحتك بس امشي بهداي،،، امي نايمة وخافنها تكعد
ومن تطلع تردة ابرهدنة ارجوك،،، خاف اتردة حيل ونومها ايرد
تدري امي رقيقة وترفة احساس،،، ندى ﻻبس عباية امحزم ابود
وردة امعصبة مجروحة وتفوح،،، شما يكبر جرحها العطر يبعد
غيمة امي لجن ماتشبة الغيم،،، تمطر مثلة بس مو مثلة ترعد
ماعدها كلب سوتة كاروك،، وجنت كلش وكيح وبية امرعد
اذا ما ابجي يوم وتسمع الصوت،،، تكلهم بلبلي شو مايغرد
عكس الناس امي بمبدا النوم،،، تنطي نومها النة وهية تكعد
واول طالب يكول انة مطلوب،، بعد كل النطت ردت تسدد
كلبي امي الوحيد بدون بيبان،،، خاف انزعلة يوم وبابة يسد
وﻻتنهرهما تقراها معكوس،، وﻻتنهري اوليدج ربي يقصد
ماكالتلي اف امي بيوم،،، بر اﻻبن واجب جانت اترد
اول كبة سودة اتطوفها الناس،،، عصابتها كبة وجفها مسجد
جرى تعديل هسة اعلى الدللول،،، دللول امي انة اليوم اردد
كلشي انطيتها بس وحدة منطيت،، اذني الطرشة لن موطبعي اجحد
امي احساس شاعر ذوبة الشوك،،، من تحجي قصايد امي تنشد
بوزن وقافية اتطلعها الحروف،،، نقص بس المنصة وناس تكعد
ومن تحجي سلفنا يصيح اللة،،، اعد حجية كلها الوادم اترد
امي وروحي توم وعاشوا اصحاب،،، وياها تروح روحي ومن تجي اترد
،، الشاعر محمد باشخ المالكي،،،
اهداء الى كل من فقد امة وخصوصا اخي الشاعر المبدع الكبير عزيز شامخ واﻻخ سﻻم البيضاني،، داعيا من اللة ان يلهمهم الصبر ويتغمدهن برحمتة الواسعة
بعتبة باب كلبي اخلعها نعليك،،،، انت بجنة امي تريد تسجد
طب ابراحتك بس امشي بهداي،،، امي نايمة وخافنها تكعد
ومن تطلع تردة ابرهدنة ارجوك،،، خاف اتردة حيل ونومها ايرد
تدري امي رقيقة وترفة احساس،،، ندى ﻻبس عباية امحزم ابود
وردة امعصبة مجروحة وتفوح،،، شما يكبر جرحها العطر يبعد
غيمة امي لجن ماتشبة الغيم،،، تمطر مثلة بس مو مثلة ترعد
ماعدها كلب سوتة كاروك،، وجنت كلش وكيح وبية امرعد
اذا ما ابجي يوم وتسمع الصوت،،، تكلهم بلبلي شو مايغرد
عكس الناس امي بمبدا النوم،،، تنطي نومها النة وهية تكعد
واول طالب يكول انة مطلوب،، بعد كل النطت ردت تسدد
كلبي امي الوحيد بدون بيبان،،، خاف انزعلة يوم وبابة يسد
وﻻتنهرهما تقراها معكوس،، وﻻتنهري اوليدج ربي يقصد
ماكالتلي اف امي بيوم،،، بر اﻻبن واجب جانت اترد
اول كبة سودة اتطوفها الناس،،، عصابتها كبة وجفها مسجد
جرى تعديل هسة اعلى الدللول،،، دللول امي انة اليوم اردد
كلشي انطيتها بس وحدة منطيت،، اذني الطرشة لن موطبعي اجحد
امي احساس شاعر ذوبة الشوك،،، من تحجي قصايد امي تنشد
بوزن وقافية اتطلعها الحروف،،، نقص بس المنصة وناس تكعد
ومن تحجي سلفنا يصيح اللة،،، اعد حجية كلها الوادم اترد
امي وروحي توم وعاشوا اصحاب،،، وياها تروح روحي ومن تجي اترد
،، الشاعر محمد باشخ المالكي،،،
