آنت آجمل آشيائي آلتي آخبئها بدآخلي
بسم الله نبدأ
أعواد الشوكولاتة
Choco Sticks
اشتريت البساكيت من الدانوب
فيه الكبير اللي يكون شابورة، و اعواد عادية ، واعواد حجمها صغير
شوكولاتة بنية وبيضاء
اول شي نذوّب الشوكولاتة البنية فقط في حمام مائي
مع اضافة زبدة .. انا اضفت ربع اصبع زبدة لثلاث حبات جالكسي وملعقتين نوتيلا
بعد ماتذوب الشكولاتة حطوها في كوب واغمسوا اعواد الشوكولاتة فيها
انا هنا الشوكولاته عندي ثقيلة، فصرت ادهنها دهن
انتم زيدوها شووية مويه عشان تغمسونها وتطلعونها جاهزة بدون الحاجة لدهنها.
تذوبون الشوكولاته البيضاء بحمام مائي مع زبدة
و تحطونها في كوب وتغمسون فيها الاعواد.. انا اشتريت الوان طعام وقسمت الشوكولاته البيضاء على كوبين ولونت كل كوب بلون مختلف.
هنا الزينه اللي تحتاجونها للاعواد
سكر ملوّن - الوان طعام
فستق مطحون، واحرصوا تخلون حجمه متفاون مو كله كبير ولا صغير - جوز هند
حطيت كل شي بصحن مستوي بحيث اني اخلي العود يتدحرج في الصحن بسهوله.
هذي الدفعة الاولى بعد ماغطيناها بجوز الهند والفستق وخليت بعضها سادة
الفستق تقدرون تغطونه بطبقة ثانية من الشوكولاته بحيث يكون مثل السنكرس
الدفعة الثانية بالسكر الملوّن
الدفعة الثالثة بالشوكولاته البيضاء
لونتهم لونين اصفر وفوشي
ندخل الصياني للبرادة لمدة ساعة عالاقل عشان كل شي يكون متماسك
ونطلعها وتكون جاهزة للتقديم
الاعواد الصغار
الاعواد العادية والشابورة
