أحبك حب فلا موجود بالناس

[✿قہہمہہر✿]

أحبك حب فلا موجود بالناس
بحيث اتصورك مرات عيني

ولهذا أشوفك وين ما كان
وما يفرق تجيني ما تجيني

وأمس واني أكلب بالجروح النايمه امن العام
فزّ بيناتهن جرحك

وبلايه وعي اتبللت عيني دموع
وبلايه وعي امن الضيم كمت اضحك

لغز جامع ضحك وافراح
يصعب عالبشر شرحك

وشريط الذكريات برأسي كام ايدور
ونوارس ذكرياتك فوكنه افترت

وأشتاكيتلك جن أمس متحاجين
مو جنهه سنه المرت

وأبسط ذكرياتك مرت أعله البال
واتذكرت كلشي الجان يجمعنه

من جنّه نسولف بالعيون أشكال
وتخاف اعيونه الحيطان تسمعنه

من جنه أبوزن ريشة ابمهب الريح
وايسلطن الواهس فوك يرفعنه

وأني وصفنتي وهمي
وأتمنيت لو هسه تجي يمي

وتكعد تمتحني بكل شبر عنك
أذكر كلشي كلته وكلشي ما مكيول

وأذكر لو حرف سهوا وكع منك
وأدور عاليشبهك واحجي وياه

وأغمّض واحس روحي كمت احاجيك
وكل ساعه اغلط بأسمك واسميه

وأحلف بعد ما أغلط واسميك
اليشبهك يبتلي بلوه اني أبليه

مثل ما جنت بلوه اني باليك
أظل من كلبي اطلعله مواضيع

واقراله مثل ما جنت اقريك
واخلي روحي كوه ترتبط بيها
وإنه شما كلبّتني مرتبط بيك

 

[Ms. Houda]

رد: أحبك حب فلا موجود بالناس

يعطيكم العافية
طرح مميز وممتع
بانتظار القادم
تحياتي وخالص احتراماتي

 

[أنثى المطر]

رد: أحبك حب فلا موجود بالناس

كلمات رائعة
يسلموووو قمر غلاي

 

[mohammed.shams]

رد: أحبك حب فلا موجود بالناس

لجهودكم باقات من الشكر والتقدير
على المواضيع الرائعه والجميلة

 

[✿قہہمہہر✿]

رد: أحبك حب فلا موجود بالناس

نورتوااا

 

[عطري وجودك]

رد: أحبك حب فلا موجود بالناس


يعطيك العافية و تسلم الايادي
على هذا الطرح الجميل
في انتظار لكل جديدك دوما

 

[✿قہہمہہر✿]

رد: أحبك حب فلا موجود بالناس

منورررة