أشحذ شوفتك وتذلني كل يوم

[عثمان العكيدي]

أشحذ شوفتك وتذلني كل يوم
عزيز ولجل عينك كلهن يذلن

تتحجج عليه اتشوفك الناس
واصدكَـ بيك اخاف عيونهم صدن

يا (مي) وتبده بين شفتين
ركد روجه من اشوف اشفافك يعضن

ردت اشرب شهدهن وانته شحيت
يفيضن شوكَـ سايح لو تبدن

من تتبسم انته تفزع الروح
وتحتار العذارى ومنك يطكَن

ومن تمشي برم يطوي الارض ممشاك
تتغنوج بمشيك وله تتفنن ؟

احنن الك حن النوكَـ بالليل
لو ذكرن ضعنهن ناحن وحنن

واونن الك ون اللي حمل ضيم
من كثر الونين يشيبن الرضعن

تاهمني إبمحبة غيرك ومحتار
تعال واخذ مني ثارهن كلهن

هوه أني من اقارن غيرك انته وياك
يعني جاي اقارن ذهب بالمعدن

عيني تبوكَـ واهس بس تمر إرداف
لو صعدن يهفن نزلن يسبن

وإنته ولا كو منك يا طعم مفقود
شهد ريگك حبيبي وبالعسل خزن

مر العيد مر ولا شفت عيناك
وأنا معيّد بغيرك بالحزن والظن

 

[ذوق]

رد: أشحذ شوفتك وتذلني كل يوم

سَ أصمِت أمآم إبدآعك
..

فَ الصّمتُ في حرَمِ الجمآلِ .. جمآلُ
..

يُثبّت لِ فترةٍ​

 

[F I R A S]

رد: أشحذ شوفتك وتذلني كل يوم

ما عاش الحب بالمذله
,,ا تسسلم ايدك اخويه على الكلمات
تحياتي

 

[الامبراطور]

رد: أشحذ شوفتك وتذلني كل يوم

روعه روعه روعه
دوم التالق

 

[Smile]

رد: أشحذ شوفتك وتذلني كل يوم

روووووووووووووووعه منك اخي
ولو انك دائما مبدع