هلو كايزين وكايزات
شلونكم اليوم
تتذكرون بالجزء السابق كتلكم تواعدنا انا وسندريلا نلتقي عند أبو الهول ثاني يوم بعد لقاءنا الاول؟
كنا متواعدين نلتقي الساعة عشرة الصبح,, بس اجيت للموعد الساعة أربعة الفجر حتى ما اتأخر
اثناء ما كنت انتظر سندريلا, اجاني برعي سلم علية وهم سألني اذا احب ياخذني جولة على ظهر البعير اللي كله مطبات
كتله لا ما اريد.. صار يلح ويكولي اجبر بخاطري
كتله من اجبر بخاطرك يجوز يزعل البعير او ينكسر ظهره.. بس انتظر كم ساعة هسة تجي وحدة حلوة رشيقة انيقة اخذها جولة... فعلا اقتنع وبقى كاعد يمي ينتظر!
ما أطول عليكم السالفة
قريب العشرة شفت من بعيد هرولة وتراب طاير تكولون عاصفة.. خفت لان هسة مو وقت عواصف وتراب, أخاف على قاطي الأصفر واناقتي تخرب
بس من ركزت شوية شفت جبروت, تسحل بالتكسي مالتها وعلى ظهره سندريلا!!
طبعا بس شفت هذا المنظر, بسرعة نزعت القاط الأصفر مالتي وشمرته على برعي وكتله انطيني الجلابية مالتك..
بعدين تبين هاي مقصودة من جبروت تسوي بية هيج مقلب لان رفضت العروس اللي كانت جايبتها الي, وتنازلت عنها لضياء المالكي..
بيني وبينكم اني رفضت العروس مو لشي.. بس خفت من البوسة لا انشفط ويصفى بية الدهر بخشم العروس.. واذا ما عطست عود شيطلعني؟!
وبعدين اللي يشوف سندريلا ما تحلى بعينه أي وحدة, وهي اللي يكول عنها الشاعر:
عندج نداوة من الورد
ولمن نشوفج ننسعد
ويروح هم البينة
يخدود مليانة تمر
ما عدنة صحة بهالعمر
شفناج وتعافينة
سبحان اللي خلقها,, كانت نسخة من بيبيتي (حبوبتي, جدتي.. باختلاف اللهجات العراقية والعربية) روزة. طبعا اسمها جنكالة بس احنة ندلعها روزة.
المهم بقينا نفتر احنة الثلاثة ونتجول بالاهرامات وأبو الهول, وما ضوجني الا تكسي جبروت
كل شوية يباوعلي ويضحك.. يمكن مشبه علية!
بعد ما خلصنا الجولة واستمتعنا بوقتنا, صار وقت الغدا وكنا جوعانين
وطبعا كالعادة صرت جنتلمان وعزمت سندريلا وجبروت على الغدا
اخذتهم لمطعم يسوي باجة (لحمة راس)
(احلى من العروس اللي جابتها الي جبروت)
جبروت هجمت على الراس بالخمسة, حتى باصبعها وبحركة رهيبة قلعت العين وشمرتها بحلكها
كتلها على كيفج مو دمرتي الاتكيت.. كالتلي دطير يا اتكيت هذا؟
بينما سندريلا كالت لا عمو!! اني ما اكل هيج شغلات متوحشة.. اشتريتلها لفة فلافل.
بس من خلصت ورحت اغسل,, من رجعت شفت سندريلا تعض بالباجة من لسانها.. وبسرعة تحول كل اللسان بحلك سندريلا!
خرررب راحت الاناقة والنزاكة!!!
بعد ما تغدينا خلص اللقاء وكلمن راح لاهله,
وما اعرف اذا التقينا مرة ثالثة او لا
من أتذكر ارجعلكم
تنويهات:
بالضبط مثل تنويهات اللقاء الاول:d
شلونكم اليوم
تتذكرون بالجزء السابق كتلكم تواعدنا انا وسندريلا نلتقي عند أبو الهول ثاني يوم بعد لقاءنا الاول؟
كنا متواعدين نلتقي الساعة عشرة الصبح,, بس اجيت للموعد الساعة أربعة الفجر حتى ما اتأخر
اثناء ما كنت انتظر سندريلا, اجاني برعي سلم علية وهم سألني اذا احب ياخذني جولة على ظهر البعير اللي كله مطبات
كتله لا ما اريد.. صار يلح ويكولي اجبر بخاطري
كتله من اجبر بخاطرك يجوز يزعل البعير او ينكسر ظهره.. بس انتظر كم ساعة هسة تجي وحدة حلوة رشيقة انيقة اخذها جولة... فعلا اقتنع وبقى كاعد يمي ينتظر!
ما أطول عليكم السالفة
قريب العشرة شفت من بعيد هرولة وتراب طاير تكولون عاصفة.. خفت لان هسة مو وقت عواصف وتراب, أخاف على قاطي الأصفر واناقتي تخرب
بس من ركزت شوية شفت جبروت, تسحل بالتكسي مالتها وعلى ظهره سندريلا!!
طبعا بس شفت هذا المنظر, بسرعة نزعت القاط الأصفر مالتي وشمرته على برعي وكتله انطيني الجلابية مالتك..
بعدين تبين هاي مقصودة من جبروت تسوي بية هيج مقلب لان رفضت العروس اللي كانت جايبتها الي, وتنازلت عنها لضياء المالكي..
بيني وبينكم اني رفضت العروس مو لشي.. بس خفت من البوسة لا انشفط ويصفى بية الدهر بخشم العروس.. واذا ما عطست عود شيطلعني؟!
وبعدين اللي يشوف سندريلا ما تحلى بعينه أي وحدة, وهي اللي يكول عنها الشاعر:
عندج نداوة من الورد
ولمن نشوفج ننسعد
ويروح هم البينة
يخدود مليانة تمر
ما عدنة صحة بهالعمر
شفناج وتعافينة
سبحان اللي خلقها,, كانت نسخة من بيبيتي (حبوبتي, جدتي.. باختلاف اللهجات العراقية والعربية) روزة. طبعا اسمها جنكالة بس احنة ندلعها روزة.
المهم بقينا نفتر احنة الثلاثة ونتجول بالاهرامات وأبو الهول, وما ضوجني الا تكسي جبروت
كل شوية يباوعلي ويضحك.. يمكن مشبه علية!
بعد ما خلصنا الجولة واستمتعنا بوقتنا, صار وقت الغدا وكنا جوعانين
وطبعا كالعادة صرت جنتلمان وعزمت سندريلا وجبروت على الغدا
اخذتهم لمطعم يسوي باجة (لحمة راس)
(احلى من العروس اللي جابتها الي جبروت)
جبروت هجمت على الراس بالخمسة, حتى باصبعها وبحركة رهيبة قلعت العين وشمرتها بحلكها
كتلها على كيفج مو دمرتي الاتكيت.. كالتلي دطير يا اتكيت هذا؟
بينما سندريلا كالت لا عمو!! اني ما اكل هيج شغلات متوحشة.. اشتريتلها لفة فلافل.
بس من خلصت ورحت اغسل,, من رجعت شفت سندريلا تعض بالباجة من لسانها.. وبسرعة تحول كل اللسان بحلك سندريلا!
خرررب راحت الاناقة والنزاكة!!!
بعد ما تغدينا خلص اللقاء وكلمن راح لاهله,
وما اعرف اذا التقينا مرة ثالثة او لا
من أتذكر ارجعلكم
تنويهات:
بالضبط مثل تنويهات اللقاء الاول:d
