عليك شلون ما تصعب لونك
همت والشوك والعشرة لونك
اذا ونيت من يسمع لونك
اذا مالك محب فوك الوطية
* * *
عنيد وهلعنادة البيك مرة
* * *
عنيد وهلعنادة البيك مرة
اليزعلك روحلة وبالجذب مرة
يمكن يعترف بالشوك مرة
ويكلك منك احتاجيت جية
* * *
اريد ازعل عليك انا وجربك
* * *
اريد ازعل عليك انا وجربك
هم تنساني لو شوكي وجر بك
تظل تبعد ومد وصلي وجر بك
وهم تكطع وصل شخصك علية
* * *
مو تعليم شعر الحب ترة الهام
* * *
مو تعليم شعر الحب ترة الهام
وكلبي بس الك وحدك ترة الهام
لغيرك ما نطخ صدك ترة الهام
الك وحدك فقط ناخذ تحية
* * *
اعرفك واعرف اطباعك ونوياك
* * *
اعرفك واعرف اطباعك ونوياك
وكلبي كبل وناتك ونوياك
الدنية وكلبي وعيوني ونوياك
اذاً عندك بخت وحظيت بية
* * *
اريد اكعد واسولف الك وشراح
* * *
اريد اكعد واسولف الك وشراح
وغدة كلبي عليكم وذر وشراح
لو تدري من ادية اشفلت وشراح
وعلي جان انكسر كلبك علية
* * *
الم حسراتي انا ارجع وفلهة
* * *
الم حسراتي انا ارجع وفلهة
ومشتاكة الروحك الغالي وفلهة
عجب للخانتك تبقة وفلهة
وانا الوياك ما سويت اذية
* * *
اضحك فدوة لجفونك وعيناك
* * *
اضحك فدوة لجفونك وعيناك
جنة بلا وعي وهسة وعيناك
تعال ابكلبي افديك وعينك
وافصلك لون تتغير علية
* * *
زمانك لو زعل وياك خلة
* * *
زمانك لو زعل وياك خلة
واسكت لا تبين بيك خلة
مو سهلة الخليل يعوف خلة
بس صعبة الكرامة تموت بية
* * *
فاض الشوك بيه والمحنة
* * *
فاض الشوك بيه والمحنة
ويكون احظة بخيالك والمحنة
الم شمعات بيه والم حنة
حزنن لأن ما مريت بية
