قصة بنت فقدت ابيها بعز شبابها
فقالت
.
.
.
.
.
يمه اشكد احبه اهوااااااااايه يمه
بكثر ما وضع ربي بكلبه رحمه
بكثر حب العراق بكبر هالكون
بعدد نسمات ربي نسمه .. نسمه
يمه اتمنه ترجع ذيج الايام
اريد بشوك طفله الصدري اضمه
ابوسه واحضنه واتمازح وياه
واريدا كووون بس من عنده شمه
بابا ارجوك بس ارجعلي لحظات
عروسه اني صرت والناس مهتمه
من عين البشر تحرسني جنت اسنين
وهسه اني خفت من نضرت الاعمه
من بعدك ضحكتي وداعتك دين
وزاعلت الفرح ما اوصل اليمه
بقايا انسانه من بعدك صفيت اليوم
وصرت بهمومي وبذكراي مهتمه
ابويه اعظم واعز انسان بالكون
واشحده الوصل يم عقله يم حلمه
ابويه شكد صبر واتحمل الالام
وابضحكه يضم عن الخلك همه
ابوية النعمه جان وتارس البيت
ابويه بنضره منه ايعادل النعمه
ابويه السيف يوم اتلوح عدوان
ابويه العدو كبل الناس يحترمه
ابويه شكد تخون الناس ساعات
ما خان ونكر واتراجع بكلمه
ابويه اني افتخر بنته
واتشرف حملت بكل فخر اسمه
بابا شلون مني بلا وداع اتروح
والله الموت ثاري بلا ضمير اعمه
يعوف الما وفه وما ينتخي الكاعه
وياخذ يا حسافه بكل اسف زلمه
بابا البيت بعدك صار مدري اشلون
ياكل يشرب وما يرتوي بهمه
بابا الفرح بعدك راح مني بعيد
والدنيا صفت منحوسه لا ضلمه
بابا ارجوك هم البيتنه اتعود
حلم ضل يرتجي ويتوسل بحلمه
واروح بكل محنه ابحث زوايه البيت
ادور منه فد نيشان فد بصمه
ولكيت البيت كل البيت حزنان
جامع كل حنينه ويبجي يم رسمه
تحياتي
