اجيتك مستحي

["هيبه ملكـ "]

اجيتك مستحي وبالكوة ادك الباب
وعالخدين سالت دمعة مفضوحة
وصلت لباب دارك وتعثرت بالباب
كد ماتعبنتي الجية والروحة
غريب وعندي صعبة هواي طبة الدار
وكبل جانت كبل بس الي مسموحة
بجيت وصحت بسمك من ورة الحيطان
بكلب مسكور يشبه كسرة اللوحة
حبيبي بداعتي مر عالكلب خطار
وبسجين عينك مزق جروحة
العالم تذبح الدمعة بضريح ايام
واني بحضرتك دمعاتي مذبوحة
اني الجنت اجيك بضحكة من ابعيد
اجيت بطرك دمعة وروحي مجروحة
اجيتك واعتذر واعتب عليك هواي
واريد ارجع البيتي اذنوبي ممسوحة
من دونك بلافرحة وكصيرة الايد
وأشوف الفرح يمي وايدية متلوحة
حبيبي بعيني اشوفك جاهل زغيرون
تتمرجح و كلبي ايصير الك مرجوحة
حبيبي معاهدك واحلف كلام الله
اليخونك حبيبي ايقشمر بروحة


راق لي
​

 

[الشاعر الرياضي]

رد: اجيتك مستحي

الله الله
روعه روعه
كلمات راقت يلغالى
شكراا جزيلا الانتقاء المميز

 

["هيبه ملكـ "]

رد: اجيتك مستحي

جزيل الشكر لك اخي

ابو مصطفى

لحضورك الجميل بمتصفحي المتواضع

انرت الصفحة

تحيااتي لك​