اخوان رجاءا ديروا بالكم

[malik albasri]

اخوان رجاءا ديروا بالكم

حاليا صايرة مشكلة جديد

انه بنات تتراوح اعمارهم بين ١٥-٢٥ سنة

يوكفون بالشارع ويوكفون السيارات

ويطلبون توصيلة

من يصعدون يبدي الدلع والشقة

وحدة تتقرب منك

واللخ تبوگ المحفظة والموبايل

القصة حقيقية وصارت بية يوم الاربعاء الفات

والاحد الفات

والثلاثاء همين

والاربعاء

وباجر اني رايح اشتري موبايل ومحفظة جديدة

حته اروح اوصلهم مرة لخ *_^



يا اخي شنو هل بنات الله يبعدنة عنكم



اللهم انصرنا على البنات التي تبوكنا وتفلت

موضوع جديد قريباً وحصرياً

 

[زيكو جريمه]

رد: اخوان رجاءا ديروا بالكم

هههههههه جيبلي وياكم محفظتين مال يومين كص تكت ههه

 

[مَشاعر هادِئه]

رد: اخوان رجاءا ديروا بالكم

ههههههه
شنوووو
هاي الشباب
ههههههه
مرحبا بنات ومرحبا بالشباب


شوفوا سوالف الشباب بالجامعة ........

شوفوا يمومياته من طق طق للسلام عليكم ......

احم احم راح نبدي


اول شي طبعا كالمعتاد امة تصيح عليه بيها 32 مرة وتصيح وتستريح حتى يكعد المسعد من النوم ( والمشكلة ياريت يسمع مرة مرتين) كَولوا يكعد بعد ما بلعوم امة انشحط شحط


راح على اساس دا يغسل وجه ( طبعا اي صابونة يلكاها على المغسلة يغسل بيها وجها ان شاء الله صابونة اماعين ماعندة اي مشكلة )


اجه دا يريد يلبس تلكة على كل قميص مكتوب عليه يوم معين .. القميص الابيض ليوم الاحد والسمائي ليوم الثنين والبنطرون الجوزي ليوم الثلاثاء .. (مو هو مايريد يكرر القطعة الوحدة اكثر من مرة بالاسبوع اي شعبالكم )


على العموم وبعد عناء طويل شاف المعدل شحيلبس ورساله على بر واخيرا
طبعا الجينز خطية تكول جينز حماميل البلدية مسحوك ابو ابو حتى جينز البنة هم ميصير هيج
لا وعلى ساعة يوكع من - الخصر النحيل –



القميص لا تجيب طاريه راح ينفتك من الجتف من كد الضيك ........ !!

وصلنة الى اتعس نقطة الا وهي نقطة الشعر .......


راح للمطبخ شكو زيت بالطاوة اخذه ويوميا يصير بفيتامين معين ( يوم بزيت السمك ويوم بفيتامين الباذنجان الاسود )


يلزم المشط وشعرة شعرة يدهنها ويصفط وحدة يم اللخ ( على ان لا تبعد كل شعرة عن الاخرى بما لا يزيد عن 2 سم )


وبعد ما صار الراس عبارة عن معمل( زيت الصافي ) وازاد وزن الجسم 2,5 كيلو غرام


وصلنا لمرحلة الحذاء طبعا الجواريب لو الماما تغسلها لو تلكه 67 زوج مشمور جوا الفراش

( مستحيل يغسل جواريبة الاخ ومستعد يشتري 5 ازواج كل اسبوع بس ميغسلها ) ****


كولوا طلع برا اجرله كية المسكين وانجبس بين 13 نفر وخايف على شعرة من هوا الشباك اخاف يطير ( وبالاصل انت لو تجيب هليكوبتر يهفي على راسه ما تطير منه شعرة من ورى الدهن )


دخل للجامعة يحس نفسة توم كروز العراق ......... اول الصبح ما يقلد ويسلم من ورى خشمة وما عاجبة العجب
يروح بكل تأني للكافتريا ويطلب استكان جاي ويطلع الجكاير ويكعد يتصرف كانه(روميو) بالرومانسية والرقة .... ( استكان الجاي بالبيت تخلص ورى نص دقيقة بس بالكافتريا تخلص ورى 20 دقيقة !! )



المحاضرة الاولى مو مهمة بالنسبة اله واذا فاتته موجودة ( فتحية تنطي محاضراتها للاستنساخ)


اجوي البنات من المحاضرة دخلوا االكافتريا (تلكاه يعدل الكعدة ويستعد كانه حيبدي يصور فيلم ينعرض قريبا في سينمات هوليوود )


يخلص باكيت الجكاير وتخلص قواري الجاي وهو كاعد مسوي نفسه الهائم العاشق الحزين ذو القلب المنكسر ( ختية ترى )


العين عبارة عن رادار لاقط يفتر من 4 جهات 24 \24 ساعة في الكعدة


كامت وحدة حلوة وطلعت من الكافتريا المسعدة الاخ صاحبنة قرر واخيرا يشلع نفسة من الكرسي وصار يمشي وراها ( مو هو البدي كارد مالتها ) منا منا وصل الها


- صباح الخير فتحية ( والابتسامة الخلابة لا تفارق وجهه الفاهي )

هلو شلونك
- شخبارج ويا الدراسة ( هذا السؤال يتكرر كل يوم الصبح يعني بحيث بالاخيرقرر يخزنة بالموبايل تجنبا للتكرار )

-اني زينة انت شلونك –( طبعا المسكينة مستحية -)

- اني بس ردت اطلب منج دفترالـ(.... ) لان اليوم مكدرت احضر المحاضرة الاولى تعرفين بس اني عندي سيارة واصدقائي يردون يصعدون ويايا اوصلهم( بدت القنابل )

اي عادي تفضل

- شكرا اني استنسخه وارجعه الج شوكت اشوفج ( هي اربعة وعشرين ساعة موجودة لو بالاكافتريا لو بالقاعة )

-اني تلكاني بالكافتريا

- ماشي شكرا

-العفو


( طبعا لا يستنسخ ولا شي جذب والدليل لما تجي الامتحانات تلكاه يكول لأبو الاستنساخ من البداية لحد النهاية !!! )

كولوا رجع الدفتر لفتحية بعد كلام طويل وعريض يرادله موضوع على حده حتى اكلكم شنو كال وشكلتله

يوصل للبيت يلبس البجامة ويركض جنه كلوله ترى المنطقة بيها وباء.. وركض على اقرب ساحة لعب طوبة ومتلكاه الا ساع 12 يدخل للبيت كبل لنوم لا دراسة ولا هم يحزنون



*** حالات غريبة عجيبة للشباب ***

1- يلزم الموبايل بالساعات بالجامعة ( والمقصود ان ترى اني ما يهمني الرصيد او ترى صاحبتي كتلت نفسها عليه ) وبالحقيقة هو مدا يخابر وعلى ساعة صاحبة يرمشله ويفضحة

2- حالات التسكع المتزايدة في الوقت الحاضر والتي يزيد عدد ساعتها على 5 ساعات في اليوم الواحد

3- مخالفة الزي لمدة 5 ايام في الاسبوع والعبرة مجهولة



4 الاستئذان من الاستاذ في القاعة لغرض تدخين جكارة ( لو يشربها للجكارة بهالدقيقة لو تطلع روحة
​

 

[مَشاعر هادِئه]

رد: اخوان رجاءا ديروا بالكم

ههههههههههه
ترة هذا مو موضوعي
بكَتة
هههههه

​

 

[malik albasri]

رد: اخوان رجاءا ديروا بالكم

هلا والله


ديلة عاد انتووو شلونكم