اشربي بيرة ؟

[سامر الفهد]

....شربي بيرة
اني ما شايف كبل قوطيه بيرة # وبيها غيرة؟؟؟؟
شربي بيرة .....بنخب دولتنه الحقيرة
بنخب ....موصلنه الا سيرة
بنخب الانبار ...الجبيرة
والدواعش....والعصبات الخطيرة​

شربي بيرة ....الشعب هج ونام يمج ‫
وباع جواه # الحصيرة....​

شربي بيرة......​

كافره يكولون عنج ‫
وانتي سلطانه واميرة. ​

احنه عدنه النازح يفووت بكفيل‫
وينام فوك حجار .....كاعه
وتشلع الخيمه .....الرياح
كافرة يكولون عنج واحتظنتينا بسماح
ودينهم البي دعونا ....بقتل ورهاب وسلاح​

شربي بيرة.....عافيه وتنكر عوافي
عاجز اكتب لج ..... واوصفج انتي يااحلى القوافي
انتي اول كافرة .....تلبس الحافي‫
وانتي اول سافره ....تلبس جفافي‫
وانتي اول حاكمه...تلفي الملافي
شربي بيرة.....بنخب دولتنه الرشيدة
والاماني ....والسوالف ...والشعارات الجديدة
الناس تصعد للكمر ...واحنه نكعد ع الحديدة
شردوا نص الشباب ....وشدوا اسنان الذئاب
اكلوا اسنين بلحمنه....واحنه ندفع بالحساب
شرد اكلج صرنه امه ...​

.لاعلوم ولاثقافه ولا كتاب‫ ​

هو مو صوج الحكومه ....ليش حاكمنه نلومه
صوج شعبي الي نتخبهم ...وشكك عليهم هدومه
شربي بيرة ....​

بنخب دولتنة
​

الحقيرة‫ ​

​

​

 

[{بريق الماس }]

رد: اشربي بيرة ؟

الله الله الله منتهى الابداع كلام اقوى من الرصاص

 

[مـــجيـّدالسيــــد]

رد: اشربي بيرة ؟

كلام في الصميم
رائعة واكثر
تحياتي اليك

 

[سامر الفهد]

رد: اشربي بيرة ؟

وطلة اشف من العطر
وأطعم من الشهد مرحبا بمرورك الاخاذ
ايتها الاخت الانيقة
( أنثى لايكسرها الزمن )

 

[سامر الفهد]

رد: اشربي بيرة ؟

شرفني مرورك الساحر
ايها الاخ الراقي
ايها الاخ الفاضل
( مجيد السيد )
أهلا وسهلا

​

 

[الاميرة الانبارية]

رد: اشربي بيرة ؟

كلمات راائعه
والاروع انت
سامر الفهد

دمت بودâ™،