اشكد ردتك الي
اشكد ردتك الي بس الله ماراد
قسمتنة انتفارك مثل الاغراب
صعبة وياك اسولف خاف نتأذة
وجلمة بأثر جلمة وتنفتح ابواب
اولها سلام وضحكة خجلانة
وبحجة ضحك ينفتح بيها اعتاب
وشيفيد الحجي لونحجي طول الليل
لانرجع سوة اولانرد بعد احباب
اسولف وية روحي من يمر شامت
لايسالني عنك وين حبك غاب
ويدليني بحضن يدريك نايم بي
خاطر من اشوفك املي عيني تراب
صدك جرح بية ينزف عيون
قديمة انصب دمع لوجرح بينة انصاب
انت بكل وكاحة اكبالي تتغازل
بعد اشلون اصدك بالعشك جذاب
هم كتلي احبك والله حد الموت
وهم عدنة سوالف بيها نملي كتاب
ترة كلمة حبيبي تموت من تنكال
ومو كلمن حجاها ينحسب هم حاب
خلي الجدر مجفي لاتكشفة انوب
ترة جرح المخزن يكسر اكبر باب
وهش عظمك طري موحمل مال كبار
يكسر خاطري النايم بحضن اغراب
بقلمي
عامرالعراقي
اشكد ردتك الي بس الله ماراد
قسمتنة انتفارك مثل الاغراب
صعبة وياك اسولف خاف نتأذة
وجلمة بأثر جلمة وتنفتح ابواب
اولها سلام وضحكة خجلانة
وبحجة ضحك ينفتح بيها اعتاب
وشيفيد الحجي لونحجي طول الليل
لانرجع سوة اولانرد بعد احباب
اسولف وية روحي من يمر شامت
لايسالني عنك وين حبك غاب
ويدليني بحضن يدريك نايم بي
خاطر من اشوفك املي عيني تراب
صدك جرح بية ينزف عيون
قديمة انصب دمع لوجرح بينة انصاب
انت بكل وكاحة اكبالي تتغازل
بعد اشلون اصدك بالعشك جذاب
هم كتلي احبك والله حد الموت
وهم عدنة سوالف بيها نملي كتاب
ترة كلمة حبيبي تموت من تنكال
ومو كلمن حجاها ينحسب هم حاب
خلي الجدر مجفي لاتكشفة انوب
ترة جرح المخزن يكسر اكبر باب
وهش عظمك طري موحمل مال كبار
يكسر خاطري النايم بحضن اغراب
بقلمي
عامرالعراقي
