اشلون مشكله اخاف امريكا تغادر العراق ،،وهسة يعني شنو اذا انغلقت السفارة .. شنو خايفين تنغلق وياها المصانع العملاقة اللي بنتها وطورتها امريكا وشغلت بيها الشباب للخلاص من البطالة لو خايفين تتوقف البعثات العلمية والفيزا المجانية للعراقيين لبلدهم لو راح يتوقف العمل في بناء اجمل منظومة طرق وشوراع في العالم ترعاه السفارة ودولتها، او ربما خايفين على مشاريع الكهرباء العملاقة والمحولات المتطورة اللي حولت العراق الى سنغافورة اخاف تاخذها وياها لما تروح !! او لعل البعض خايف ان تتوقف مشاريع الاعمار الكبرى التي ستنهض بالعراق على غرار خطة مارشال ليتحول الى المانيا ثانية في غضون سنوات .. لا لا .. يمكن خايفين على التجارة الامريكية اللي فتحتها السفارة عالغارب وباسعار مخفضة ومدعومة لبلد منكوب مثل العراق وراح تنحرمون من اجمل ملابس ومقتنيات واجهزة ورفاهية .. او يجوز المرضى خايفين خطية اذا امريكا راحت راح تفلش احدث المستشفيات اللي بنتها وتاخذ اطور الاجهزة الطبية والمعدات والادوية اللي جابتها ؟!! اكيد يمكن طورت زراعتنا وانهارنا وخلتنا هولندا؟!! هي سفارة لم تتعامل بمبادئ العرف الدبلوماسي وبمبدأ التكافؤ واحترام السيادة بل نشرت قواعدها العسكرية في كل العراق وضربت مرات ومرات جيش وحشد ومواطني هذا البلد بل وحتى ضيوفه دون اي مراعاة للاعراف الدبلوماسية السائدة .. منعت عبد المهدي من المضي في الانضمام الى طريق الحرير لما فيه خير عميم للعراق في حين برزاني الان يمنع الجيش والشرطة من دخول خانقين وهي في ديالى ليست تابعة لاقليمه المنكود لانه يريد ان ينضم الى هذا الطريق بأي شكل وبكل اصرار حتى لو استولى على مدن محافظات اخرى بربط كرمنشاه بخانقين ليستفيد هو من الترليونات وليس العراق كما منعت من قبل سيمنز الالمانية من بناء محطات الكهرباء العملاقة في العراق لتقضي نهائيا على حلم العراقيين بحل مشكلة الكهرباء ولاحول ولاقوة الا بالله على غباء البعض المستحكم ،،،،منقول
