اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

متوهم حبيبي بهايه الافكار
شلون انساك وانته بنص الاضلوع


بحضورك او غيابك انته بالروح
واشوف الكَلب كله بجيتك يموع


احجي باللسان واطلب النسيان
وكل عقلي ببساطة ينتهي الموضوع


واشوف الدنيه ماتسوه بلياك
واضحك بالجذب والكَلب موجوع


أخلص الليل كله بس افكر بيك
وأبات بلوعتي وبعيني الادموع



مشكلتي اريدك والكَلب يهواك
وأحجيهه بثقه وبصوت مسموع


يله ارجع حبيبي وانسى الفات
وخل نمحي الظلام ونعلك اشموع


...


بقلم مُخلد
الآن

 

[احاسيس]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

منين انجيب مثلك

حتى ننساك!!

ومنو المثلك يعوضك لوخسرنه

الشبه كل اربعين ..

احچايه تنگال

واذا واحد يصح جان انتظرنه

تعال الجرح..

جن ومارضه يهيد!!

وحچينه وياه ماينفع عذرنـــــه

يشگ روحه اعله

طوله وينكت جروح …

وگضينه اخيوطنه وملّت أبرنه

شوكت يندگ علينه

ويضحك الباب…

ويترس بيتنه وصوتك يسرنه

وترد انته ويجن

الراحن وياك…

وتجيبه وياك يا لماخذ عمرنه


رد للصاعقه من روح جبار رشيد
عاشت ايدك ياشاعر انت مبدع لي ابعد حد!

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

الله .. انتقاء رائع راقي جميل
شكراً احاسيس
انتم الأروع

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ليش متغير حبيبي..هااغيروك.
مو مثل احساسك.كلي شصار

ملتهي وي غيري.اي نسيت
وخليت حسرة بكلبي تشتعل نار
معذورة السوالف من تختنك ليش
وانت بضيم كلبي.ابد .ماتحتار
نطيتك.كلب.ونبض .كلي شبيك
بين كلبي .بيتك.لكلبك دار
ارجوك لو تمر مر بلايه صوت
وادير العين..عنك لو شفتك مار
بقلمي

 

[راما الحديثي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

خلي نعيش حياتنا في ثبات ونبات و
تعال جنكل ايدك بيديني ونحرك كلوب البنات
ولي ما عنده حبيبي يبقه تائه بالحيات
انته تحبني وأنه احبك يبقه حبنه لآخر الحيات
.هذا خط أحمر حبيبي اني اخذركم بنات

بقلمي لأن

اخذركم بنات هههه

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

هههههههه حلووه راما
.....



واني احذركم شباب
ليمها ممنوع اقتراب
هاي البنيه احبها
والكَلب من حبها ذاب
هي كل عمري وحياتي
هي أجمل امنياتي
هيج من الله أحبها
وشفت الوان العذاب
ليمها ممنوع اقتراب

جنت احلم من زمان
ببنيه مليانه حنان
والمشكله بس هي تملك
أعذب انهار الحنان
كلشي بيها نبع صافي
الكَلب طيب ودافي
واني تدروني وكيح
وبالغزل جداً صريح
وهي فدوه اشكد خجوله
ويروح من عدهه التكَوله
بأول حجاية غزل
يبدي وياها الخجل
وجانت محضره كلااام
قبل لا نبدي الهيام
هو هم يبقى كلام؟
واحنه باحضان الغرام
العيون البينه تحجي
والشفايف هي تشكي
والايدين الشابجات
والاصابع ذايبات
واحنه باول بوسه ذبنه
وعن وعينه اهوايه غبنه
وما صحينه اله واحنه
كل جزء من عدنه ذاب
آآآآه ياناااار الشباب
ههههه

بقلم مُخلد
الآن

 

[راما الحديثي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ههههههههه انصطرت بعد ما اكدر اكتب
شجاني

تخبووول

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ههههههه شكراُ .. اوكي لعد على باجر

 

[راما الحديثي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تعالن شوفنه بنات
شلون يكتبلي شعر
اني اغورجن حبيبي
ماكو بفتونه مثل
هوه يكره كل وحده
منجن واني ماخذتله العقل
واليقترب منه ادمره
واني محذرجن قبل

بقلمي لأن

ههههههه

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

زرعتك..بعيووني طفل.وكبرتك بدموعي
وضميتك من عين البشر .بين لجفون
يلومني على حبك..وحارو بموضوعي
احنا نفس واحد..لامايكدروون
سميتك حبيب الروح .باول جرة نفس
وبيك انه اشووق .وحدك ياماي العيون