اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مــن كد ماتجي وتروح على البال
ضــل بــعقلي بــس اثـــار رجليك

واتانيك واتانيك واتانيك
ولاأحسب ثكل ساعات ليلي التحن ليك
وثاريك غافي بحضن غيري وجفوفه التغطيك
ونسيت شكد اتحملت لااجل وداريك
ولافديوم زعلتك ولافديوم من الكلب مخفيك
هزيتك هزت مدلل يهزونه بكواريك
واركض لوردت تزعل وراضيك
شنو البيك شنو البيك اذا ترجع
هم اتانيك هم اتانيك

رمااد اانسان

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

انادي الناس بسمه هالغبي والله​

مجنون بغرامه ومنتهي الموضوع​

احس كلشي بحياتي ملتهي بذكراه​

وأكَلب ذكرياتي وروحي تموع​

لو لحظة اشوفه وأكَعد اوياه؟​

لخليهه الشفايف تضوي اشموع​

بوسه لركَبته تداوي هالروح​

وعضه لشفته ومايبقى ممنوع​

ياممنوع هذا وهو وياي؟​

العن ابو العيب الكَلي ممنوع​

وانزل بعد أكثر عله اعناد العيب​

واطبع بالصدر بالبوسه مطبوع​

ماعندي صبر تعذرني يهواي​

شما ابعد تره ارجعلك ارجوع​

وأكَضي الليل كله بس ابوس بيك​

وحروف الجر حبيبي بكل صنف نوع​

يعني المختصر تمتزج الاجساد​

ونشهكَـ بالعشكَـ وبصوت مسموع​

مثل ارواحنه امتزج وياك​

وبهاي المعاني الكَلب مشلوع​

اشعل نار بيك وبيه تشعل نار​

ولك باب العشكَـ للرغبة مشروع​

غمضهه العيون وخل اشم بيك​

ونسوي المايصير وماكو مرجوع​

ومثل ادموعنه ياعمري ونفيض​

بس هذا الدمع مو مثل الادموع​

....​

بقلم مُخلد​

الآن​

 

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يمه يمه ههههه تخبش

قصيده تحمل خيال خصب وصور شعريه
تفيض احساس كتبت بحبكه ومهاره
يسلموو مخلد بانتظار جديدك يامبدع
ارق تحية مع التقييم والاعجاب

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اتانيك بشوك اعمى:وبصبر خلصان
ومر من يم ذكرياتك وتفز الروح
واغمض عيوني عنك..خاف تشتاك
واداوي ضيم كلبي وونات الجروح
احس الروح تذبل من بعد فركاك
واحس النفس يختنك على جرف لبوح
بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

خلي تكتب للمزاح شويه ههه



....




جنت أحلم قبل محبوبي من نار

شاب ومندفع وأحلامي ورديه

وحققت الحلم بس والله مو نار

محبوبي طلع اسلحته ذريه

خلصنه العمر امكامش من الروس

وعلى هذا النسق هيج احنه يوميه

اضربه وابتسم وكل عقلي اشاقيه

واشوف الضربه ترجع منه ستميه

والعن ساعة الفكرت اشاقيه

وأسب العشكَ كله وكل طواريه

الف لعنة عله الحب واليحبون

شكو غير العرك والهوسه يوميه

لو مية بحر ونغسلهه بالماي

ما تصفى أبد ومغوشه النيه

مو كَوه الشقى ولا هو بالاجبار

ولا لعبة طفل ولا هو منيه

ما تعرف شقى ياعيني مامجبور

دمرت الشقى وتكَول شعليه

حقك والف حقك والخلل مو بيك

متأثر صدكَـ بافلام هندية

وياريت انته هم تعرف بالافلام

ماتعشكَـ أبد غير القتالية

بس تدري؟؟؟

أحبك وأحب كلشي البيك

وأحب اسمك الغالي وعطرك البيه

أحب تزعل حبيبي حتى اراضيك

وبحجة الرضى أتوكح شويه

وهم هذا الحجي بالشقى والله

الف فدوه الك هالروح والريه

تعرفني حبيبي اشكَد الاشيك

ما ابالغ أبد .. انته النفس بيه

وشما طال الزمن ومرت اعوام

يظل حبك حبيبي ميه ميه

....

بقلم مُخلد
الآن

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

كلي شلون اوصفك.يل كلك اوصاف
وشلون املك..يل كلك.همس
احس لحظات بعدك جنهن سيوف
وعيوني على دربك كلهن حرس
تعال عيوني عطشانه لملكااك
وضمني على كلبك هابشوك تحس
بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تدري اشكد احبك يادفا الروح


من الله أحبك كلش اهواي


يعني اهوايه كلش مدري اشكد


تعال الليلة يمي واحسب وياي


....


مُخلد

 

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

خلصنه العمر امكامش من الروس

وعلى هذا النسق هيج احنه يوميه

حلووو مخلد يسلمووووو
تحياااااااااتي

 

[الحالمة]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

فزعت عشاير هيج فزعتلي الهموم


والتمن النكبات كلهن فرد يوم




حنان البصره
​

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عيني البجي والنوح ما منه جدوه
لعيونج الحلوات دنيانه فدووه

...