افضل الطرق وأيسرها لمنع التعرق

[رمااد اانسان]

معلومه جدا مفيده….
اليوم حبيت افيدكم بشغله اغلب الرجال والنساء يعانون من موضوع التعرق بفصل الصيف الحار وخاصه من يطلعون...بحيث يستحون ويسببلهم احراجات...
واليوم حبيت انطيكم وصفه تمنع التعرق نهائيا وتنطي عطر يخبل ..كلش حلوه ومجربه واني عن نفسي سويتها كلش حلوه وسهله ومضمونه... الوصفه كالأتي
تجيبون گشور برتقال عدد 3 برتقالات
وتجيبون گشر مال ربع رگيه...
وتجيبون هيل عدد 10 هيلات
وتفوروهن بالجدر لمده عشرين دقيقه بالنار وبعدين تعوفون الجدر لمده ساعه يبرد تماما .وراها تاخذون الجدر تصفو بقطعه قماش خام
بالضبط مثل الجبن أذا شايفين شلون يصفون الجبن بعدين تخلون الماء الصافي ببطل بس عوفو ربع البطل فارغ وهسه اكوللكم ليش
تجيبون بطل مي ورد يبيعو بالاسواق وتديرون المي ورد بالربع الباقي من البطل مال الخلطه .. هذا علمود العطر يصير بالورد .وراها تخلون البطل عالشمس لمدة نص ساعه حتى يتجانس الخليط ع حرارة الشمس .. وراها تجيبون البطل وتروحون للمغسله وتذبون الخليط گله بالمغسله وتروحون تشترون
ركسونا بـ2500 دينار وترشون لجسمگم قبل متطلعون وشگرا لحسن الاصغاء

 

[Lost]

رد: افضل الطرق وأيسرها لمنع التعرق

شكرا على هذا الجهد في النشر

 

[مناضل الناصر]

رد : افضل الطرق وأيسرها لمنع التعرق

هههههههههههههههههههه

 

[أهواك]

رد: افضل الطرق وأيسرها لمنع التعرق

ههههههههههه
اكو ناس ميفيد وياهم
حتى لو يسبحون بمصنع عطور هههههههههه

 

[رمااد اانسان]

رد: افضل الطرق وأيسرها لمنع التعرق

سايكو نورتي يسلموووو
قريتي الموضوع زين هههه

 

[رمااد اانسان]

رد: افضل الطرق وأيسرها لمنع التعرق

نورت اخي مناضل

 

[رمااد اانسان]

رد: افضل الطرق وأيسرها لمنع التعرق

أهواك
دوم الضحكه يارب
كلامك صح وألف صح هههههه

 

[مغلق]

رد: افضل الطرق وأيسرها لمنع التعرق

شكرآ ع الجههد

ودي *_*

 

[قيصر الحب]

رد: افضل الطرق وأيسرها لمنع التعرق

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحك

 

[رمااد اانسان]

رد: افضل الطرق وأيسرها لمنع التعرق

نورتي رقه
يسلموو على الحضور
كل الود