الأجل ساعي البريد وزاجل التابوت

[جنون العاطفه]

الأجل ساعي البريد وزاجل التابوت
وعتيك النجف بس كاتب جديد اكبور

بوفاة العنكبوت الحمدو نغمة غار
وبنات المغربيه تكص شريط النور

على كعار الجرف اكعد اجنازة ماي
وفرات السدره اشبكه بدجلة الكافور

بالماطل اتبسم وانه كليجة عيد
وأذا ابرد نعي يكزبر جلد عاشور

السحاب الراسه بارد يبجي بس حالوب
ويزمخ خبز من ينغث التنور

حفل تأبيني وضحك ضحكة ام عريس
لهذا من البدايه اتفاجئ الجمهور

التوتر والكبت لعصابي صورة قيد
وحلبجه الماضي والنسيان شاهد زور

الأرق واني ومحرم اصدقاء الليل
وقديمه العشره اقدم من حضارة اور

الهوه يدردم نعاس ولا سفينة نوم
وسد ياجوج بين الماي والناعور

خريف الظوجه ملحد والضمه الحجاج
وظاع المحبس وي الخيط والعصفور

وشيب بلايه راس الغيم بس الغيم
طاووس السمه وصدر وعجز مغرور

هناك الليل ابيض كلبه بس اهنا
الصبح زنجي وخرير الماي دمه يفور

اهنا خمزة نميمه ونظرة استعلاء
هناك العبد يامر والملك مامور

اهنا جف الحسين اربع اصابع بي
هناك اعمامه لابس اصبعه المبتور

يدور عله الأرض مثل الشمس والطيب
بقه مثل الأرض بس عله نفسه يدور

ابوي احساسه غيم ابيض وفربا
افز ليه بدفو معزب وفربا
كبل ماابجي بس هسه ال وفربا
يذب شص ويصيد الماي بيه

لمبدعها مهند حمود

 

[عطري وجودك]

رد: الأجل ساعي البريد وزاجل التابوت

طرح جميل ومميز
سلمت يمناك

 

[جنون العاطفه]

رد: الأجل ساعي البريد وزاجل التابوت

عطري وجودك

التميز بحضورج حبيبتي
منورتني

 

[قلب شجاع]

رد: الأجل ساعي البريد وزاجل التابوت

رررروعة

 

[جنون العاطفه]

رد: الأجل ساعي البريد وزاجل التابوت

احمد العراقي

الروعه بحضورك الطيب
منورني

 

[إليا الجنوب]

رد: الأجل ساعي البريد وزاجل التابوت

جميل ما نقلتي

 

[شَمَّـمْ🤍]

رد: الأجل ساعي البريد وزاجل التابوت

اهلاً بذائقتكِ المترفة ،،،،
اهلاً بالـ مِسك بيننا ،'

 

[جنون العاطفه]

رد: الأجل ساعي البريد وزاجل التابوت

إليا الجنوب

الجمال بحضورك الطيب
منورني

 

[جنون العاطفه]

رد: الأجل ساعي البريد وزاجل التابوت

ديماااا

اهلا بطلتج الحلوه
اهلا بريحة الياسمين
فدوه لحضورج اليجنن
منورتني

 

[البرآق]

رد: الأجل ساعي البريد وزاجل التابوت

طرح راقي
أهنيك على هذا الموضوع الرائع
والجميل
لاحرمنا الله من تجدد مواضيعك
يعطيك الف عافيه
مودتي