الحقيقة_في_تكتك
طلعت للسوگ اجيب مسواگ فـ لگيت السيارة عاطلة ، أجرت تكتك ورحت وبالطريق سألت السائق المتأنق وكان هذا الحوار ...
شنو دراستك ؟!
بكلوريوس محاسبة !!
گتله : ما متعين ؟!
لا ، مع ظهور ملامح حزن 
سألني : و انت شيخنا شنو دراستك ؟!
گتله : دكتوراه ادب عربي ، ولا تضوج اني هم ما متعين ... ضحكنا 
فتحت كتابي 
( مصادر المعرفة ، د. محمد حسين زاده ) حتى اقرأ ما گدرت من الطسات !
سألني : شيخنا شنو الدليل على وجوب التقليد ؟!
گتله : شو تگح ، انت مريض ؟!
اي اي مريض ، العصر اروح للطبيب !
ليش تروح !!
جاوبني مستغرب ، غير لازم ارجع للمختص !
گتله : هذا الدليل على وجوب التقليد ، مثل ما ترجع للطبيب بمرضك ، ترجع للمجتهد الجامع للشرائط بامور دينك !
وصلنا السوگ ، من نزلت گتله هاي شنو ؟! شكاتب على التكتك ؟!
كان كاتب على ظهر التكتك : [ كلها تغيرت بس الله هو الله ] .
كتله بضحكة ساخرة هسه يتهموك :
️ عرفاني منحرف ، متصوف ، عنده مشروع خطير ، ضال ، مضل ، عنده گروبات سريَّة ....
ضحك وگال : شيخنا أهل التكاتك ما يگولون هيج ناس فقره يخافون من الله !!
من نزلت گلي: انصحني !
گتله : انصحك وانصحني ، گلي موافق .
گتله : اقنع برزقك ، وكض عينك ، وحافظ على وقت صلاتك !
هسه انصحني ، گلي شيخنا :
( لا تعوف الله وخدمة الحسين ) ترى : كلها تغيرت بس الله هو الله ... واذا عندك واسطة شوفلي تعيين !
گتله : عندي ! گال: منو؟!
گتله : الله والحسين ... وان شاء الله تتعين ...
اللهم صل علی محمد و آل محمد و عجل فرجهم
د.الشيخ علي المياحي
طلعت للسوگ اجيب مسواگ فـ لگيت السيارة عاطلة ، أجرت تكتك ورحت وبالطريق سألت السائق المتأنق وكان هذا الحوار ... شنو دراستك ؟! بكلوريوس محاسبة !! گتله : ما متعين ؟! لا ، مع ظهور ملامح حزن سألني : و انت شيخنا شنو دراستك ؟! گتله : دكتوراه ادب عربي ، ولا تضوج اني هم ما متعين ... ضحكنا فتحت كتابي ( مصادر المعرفة ، د. محمد حسين زاده ) حتى اقرأ ما گدرت من الطسات ! سألني : شيخنا شنو الدليل على وجوب التقليد ؟! گتله : شو تگح ، انت مريض ؟! اي اي مريض ، العصر اروح للطبيب ! ليش تروح !! جاوبني مستغرب ، غير لازم ارجع للمختص ! گتله : هذا الدليل على وجوب التقليد ، مثل ما ترجع للطبيب بمرضك ، ترجع للمجتهد الجامع للشرائط بامور دينك ! وصلنا السوگ ، من نزلت گتله هاي شنو ؟! شكاتب على التكتك ؟! كان كاتب على ظهر التكتك : [ كلها تغيرت بس الله هو الله ] . كتله بضحكة ساخرة هسه يتهموك : ️ عرفاني منحرف ، متصوف ، عنده مشروع خطير ، ضال ، مضل ، عنده گروبات سريَّة .... ضحك وگال : شيخنا أهل التكاتك ما يگولون هيج ناس فقره يخافون من الله !! من نزلت گلي: انصحني ! گتله : انصحك وانصحني ، گلي موافق . گتله : اقنع برزقك ، وكض عينك ، وحافظ على وقت صلاتك ! هسه انصحني ، گلي شيخنا :( لا تعوف الله وخدمة الحسين ) ترى : كلها تغيرت بس الله هو الله ... واذا عندك واسطة شوفلي تعيين !
گتله : عندي ! گال: منو؟! گتله : الله والحسين ... وان شاء الله تتعين ... اللهم صل علی محمد و آل محمد و عجل فرجهم د.الشيخ علي المياحي
