الخلطة الصحراوية للوجه
حبيباتي اليوم جبت لكم واحد الخلطة من واحد المنتدى هي خلطة صحراوية ويقولو عليها الخلطة السحرية لأن مفعولها كيضهر من أول إستعمال وهي ماشي غير للوجه فقط بل حتى للجسم كله..
كل لي مجربينها كيشكرو فيها وأنا شخصيا عجباتني وغادي نجربها فأقرب وقت لأنها طبيعية وحتى اقتصادية المهم كترت عليكم الهضرة نبداو انشاء الله
كنحتاجو:
*نص لتر حليب
*صابونة دوف بيضاء محكوكة
*باكية الطين الأبيض
*نصف قنينة صغيرة من ماء الورد
¤ننفيضو لحليب بوحدو بعد نطفيو عليه ونزيدولو الصابونة المحكوكة ونخلطو بملعقة مزيآآآن بعد نضيفو ماء الورد والطين وحنا دائما كنحركو حتى ينساجم الكل نتركوه يبرد ونصبو الخليط في بواطة ونسدو وندخلوها لتلاجة ملي نبغيو نستعملوها نجبدو لقياس لي بغينا ونردوها مباشرة لتلاجة راها كتخرج بزآف وتبقا مدة طويلة فالأول غادي تبان لنا سائلة لكن فالغد غدي تولي كريمية ونآآآعمة وأي عروسة كتبحت على التألق نصحها بها ....
بالصة والراحة مسبقا أي سؤال أنا فالخدمة ؛)
