مكونات الحشوه:
-تمن (رز) منقوع بالماي قبل قبل ساعه من تحضير ألأكله
-لحم مفروم
-بصل
-ثوم
-شويت (شبث)
-طماطه
-بهارات
-فلفل أسود
-كركم
-ملح
-ليمون دوزي (ملح الليمون)
-سماق
.................................................. .....
الخضروات اللازمه لعمل الأكله:
-سلق
-ورق عنب
-بيتنجان
-شجر (كوسه)
فلفل أخضر
-بصل
-طماطه
-باقله(باقلاء)
جاهزين لطريقه العمل
يلا نبدأ
أول خطوه
نسلق الباقله
ثاني خطوه نجيب البصل ونسوي بهالطريقه
الخضروات بعد ما نحفرها بهذه الطريقه نغسله
نجيب (قدر) الدولمه ونحط بيها شويه زيت
ونحط بيها الخضروات حتى نحمسهن شويه وتذبل
هذا السلق نغسله بعد ما نقطع عنه الساق ونجيب ماء السلق
الي سلقنا بيه الباقلاء والبصل وهو مغلي نسكبه فوقه
هذا الحشو بصل مقطع مربعات معاه
شويه لحم مفروم وكركم وبهارات وفلفل اسود والثوم
بعدها نضيف عليها الشبنث ونوى الطماطه الي حفرناها
وبعدها نصفي الرز المنقوع من الماء ونضيف عليها الحشوه
والملح والسماق وملح الليمون ومعجون الطماطه
ونخلطهم سويه الى ان يصير شكلها بهالشكل
ونضيف عليه شويه ماء حتى يكون طري شويه مو ناشف
وبعدها نجيب قدر الدولمه ونفرش بيه ساق السلق بهالطريقه
بعد مافرشنا ساق السلق نبدي نحشي باقي الخضروات
ونبدأ بالبصل نحشيها ونلفها بهالطريقه
بعد مانكمل حشو البصل نحشي الباذنجان والشجر الي هي الكوسه
والفلفل الاخضر ونقفلها بهالطريقه البسيطه
وبعدها نفرش فوقها الباقلاء كلها
والخطوه الاخيره نحشي السلق وورق العنب
والطماطه ونفرشها بالقدر بهالطريقه
وبعدها نطبخ مده تلث أرباع الساعه أو ساعه كامله
ما تحلى الدولمه ألا بالخبز العراقي نفرشه جواه بهالشكل ونقدمه
الف هنا على قلوبكم
