الرجولة
الرجول للزلم يعني الزلم مقصدي
كبرياء..اخلاق..اداب وكرم
والرجولة كلمة طيبة وصادقة
والمراجل بالملاكة تفرز البيهم شهم
والرجولة يعني ماتتحامة يم حايط رجيج
وتنسحك جواه اذا بس ينثلم
والرجولة يعني ابد متخاف بس لمن تحب
حتى التحبها ابد ماتنصدم
انة ابن ديوان متربي بمضيف
وراضع امن الدلة صولات الزلم
امي تفكة وكمطتني بصف رصاص
ومااضن بيوم شافتني انهزم
الجبير الله وانة بحبل الجبير
وبالتواضع يمكن بأبرة انلظم
وكبرياء النخلة عندي وبالتكبر
اي خشم يابس حدر رجلي قزم
ومايهددني بس الداعية امة علية
الله راد يورطة ويمسلي جدم
جبل اني وعالي حيل
وماخذ امن الله العزم
وبالملاكة عندي هوسة
عاليوم الجانة اتندم والله اتندم
بقلمي..
الشاعر
عامر العراقي
