الزين يشوف وجهه بعين ناسة

[الامبراطور]

خله يروح كلمن مشتهي فراك
واتلكه الذي يشتهي الملكه
ادين هواي اكو تشتهي الشبكات
بس ياهو اليستاهل تشبكه
التشبكه كون روحه التشبك اعليك
وكون اطيح اديه بساعت الشبكه
يوميه الك صاحب يبذات
ويوميه ويه واحد الك دكه
انت شما عليت انت ذاك انت
النخل مهما عله يخضع العركه
وشنفع علو النخل خل يعلى قاطات
مادام الجهال تلوح عثكه
اومدام الشط نشف مو مشكله الريح
حته الي تهزه ماتغركه
عمر الريح مافتحت البيبان
بس الينفتح جائز تطبكه
انا طبعي سعف ارجف من الريح
بس من اشتعل ليكظني احركه
صبرا عالجرح لاتذرف دموع
لتخلي اليكرهك يملي كاسه
اذا تبجي الوحدك انت خسران
واذا تبجي ارجال انتكاسه
الجرح مومشكله بس اليحز بيك
اليلزمك عالجرح لازم حراسه
اومو كلمن نزف يسمه مجروح
الجرح موبشكثر ذب دم قياسه
اليلكه بجرحه دم صدكني يرتاح
والما يلكه دم جرحه بحساسه
اقبل اي جرح بس جرح الاحساس
يضل ينزف عمر لوبشر جاسه
ميضوج الورد لوداسته الناس
بس ايضوج اذا فلاحه داسه
ابني بيت عادي وساسه من طين
ولاتبني قصر والرمل ساسه
اكوواكف نعم بس منحني الراس
واكو طايح لجن مرفوع راسه
كون العين تكدر تقره لوجوه
والخد كون يعرف ياهو باسه
لتباوع الوجهك بلمرايات
الزين يشوف وجهه بعين ناسه​

 

[Noor Aldeen]

رد: الزين يشوف وجهه بعين ناسة

عاااشت يدك يل غلا

 

[الامبراطور]

رد: الزين يشوف وجهه بعين ناسة

حبيبي الغالي
تسلم ع المرور​

 

[Pгιиċεѕѕ Ńoυгнaη »❥]

رد: الزين يشوف وجهه بعين ناسة

[color=#00000]لقد رسمت بحروفك الروعه والجمال
قلم أبى أن ينزف غير المميز والراقي
دام لنا هذا القلم وهذا الذوق المميز
لك الود والورد..~[/color]​

 

[الامبراطور]

رد: الزين يشوف وجهه بعين ناسة

شكرا اختي الغالية .. طبتي وطاب يومك وقلبك ..
دمتي بخير وعافية​