الشاعر الكبير ايهاب المالكي اسم امي امان علليخافون

[سجاد الطويرجاوي]

الشاعر الكبير ايهاب المالكي

اسم امي امان علليخافون
ونقاطه اتصير بالظلمه قناديل
انه امي الكاع هاي الربت رجال
بيهم خورست حلك المقابيل
وقوره وخيره ومن اهل الله ينكال
ام كول وفعل موبس اقاويل
كرامتهه نخلهه وحيله جبال
وصبوره ولو تثور اترد اساطيل
ام جلمه العدله الماتزل يوم
وذهب كل حرف من تحجيه مثاقيل
وحظنهه تراب صح بس لفظا تراب
اذا هزت حظنهه اتذب تماثيل
واذالولت ولد يبني دلول
نخلهه يطش شعرشعبي ومواويل
وذا عاشور مرهه دموعهه اتطيح
مواكب تلطم بقامه وزناجيل
امس السافر من اولادهه وراح
تمر لهناك ودتله مراسيل
امي مشيله من زاخو للفاو
وطرف شيلتهه يوصل للمحاويل
كد مالبست اسود دمهه محروك
واذا تنزف جرح تنزف براميل
انه ارض العراق اسم امي للزين
بس علشين تتحول عراقيل

 

[No Promises]

رد: الشاعر الكبير ايهاب المالكي اسم امي امان علليخافون

طرح جميل
يسلمؤؤ ورده
تحياااتي

 

[قلب شجاع]

رد: الشاعر الكبير ايهاب المالكي اسم امي امان علليخافون

شكرا على الجهود المبذولة

عاشت الايــــــــادي

 

[المشتاق]

رد: الشاعر الكبير ايهاب المالكي اسم امي امان علليخافون

بسم الله الرحمن الرحيم

أخي الكريم سجآد الطويرجآوي
سلمت يدآك للوحة الجميلة والرآئعة
والقصيــــــــــــــــــــــدة السآحرة
{{{{{ أسم أمي آمآن علليخآفون }}}}}
للشآعر إيهآب المآلكي
دآم لنا فيض العطآء
وللمزيد منَ كل جديد
تحيآتي ودعآئي
دمت موفق

​

 

[سجاد الطويرجاوي]

رد: الشاعر الكبير ايهاب المالكي اسم امي امان علليخافون

منورين
اشكركم على المرووررر

 

[سجاد الطويرجاوي]

رد: الشاعر الكبير ايهاب المالكي اسم امي امان علليخافون

منورين
اشكركم على المرووررر