الفرق بين الشيخ وأبن الأجاويد

[ابو مناف البصري]

الفرق بين الشيخ وأبن الأجاويد
سألت شايب حكيم من ربعنا
گلتلة حجي شنو الفرق بين "الشيخ وأبن الاجواد " شو أني تاهت عليه ، أذا عدنا هالگد شيوخ ليش المجتمع صاير الك ياطويل الذراع كله مشاكل وواحد ماكل حق الثاني
جاوبني وگال :
يابوية راح أبسطها الك ، گال أنت تگدر تصير شيخ بس ماتگدر تصير أبن جواد
أني ضليت صافن حقيقة تاهت عليه .. گلتلة شلون
گال بويه أذا أنت عندك سلطه أو فلوس زايده او علاقه بمسؤول ومسنود تگدر تشيخ ويصيحولك شيخ بس شوكت ماراحن ذني ترووح شيختك ومايبقالها ذكر أذا مامتوافر وياهن الحظ والبخت ، والجاه والوجه والأحترام من العمام وذني يابويه علامات أبن الأجواد أسمعهن وأحفظهن أبن الأجواد هو اللي يخاف من ربه ،
واللي من حگه ودون ،
واللي يلم عمامه ،
واللي مايرضى بالعايله ،
اللي مايميل على بخته وما يرتشي ،
اللي يحچي حچاية الحگ ،
اللي يبدل الشين بالزين ،
اللي ماينگل الحچايه الشينه ،
اللي ينطي من مالاته حتى يسد مشكله ،
اللي يخيط الشگ قبل لا يتوسع ،
اللي مايفرق بين أخوته ،
اللي مايتكبر عالزغير والفقير ،
اللي يتفگد گرايبه وصلة أرحامه
وذني الصفات يابويه لصيقات بشخصيته وراح يبقن عايشات وراه وراح تتذكرهن الأجيال فأذا ماعندك ذني ماتصير أبن أجواد لو تموت....
وحي الله كل شخص يأمر بالمعروف وينهى عن المنكر

 

[عبد الرحمن]

طرح جمييل
تسلم االايادي
لاخلا ولاعدم