المايقبل نصيحة اندوسة بالرجلين\\حصري
نحاول من نسولف مانشيل ذنوب
بس موجب وسالب ينحسب سالب
الصفر يبقة صفر لوتضربة بمليون
اشكد حلوة العيون وماعلت حاجب
الماعندة مبادئ قاضي ليصير
لعيون الغريزة انداست اشوارب
التنطي شرفها تنطي كلشي وياه
لاترتجي اعليها وتطلع اتحارب
ترجع والظهر متروس طعنات
وتضحك هية بيك اتشمت الصاحب
اخذ عبرة التواضع ماينقصك شي
اذا شفت اليعلمك صيرلة طالب
عبرت الاربعين ولسة تلميذ
وماناوي اصير اعلة العلم شايب
تعلمت بحياتي دروس ودروس
وعاشرت الخلوق وعاشرت سايب
عذرا من لساني عظم مابي
موطبعي بحضوري انحسب غايب
من زغري اعدل المايلة لتطيح
ومااتحجج اني بكلمة التايب
المايقبل نصيحة اندوسة بالرجلين
واكو بعض البشر محتاج هالواجب
لان طبعة ردي من كبل سبع سنين
هسة يريد يرفع عينة عالحاجب
كبلك حاولوا ماكدروا وياي
المتربي عدل بخلاقة يتحارب
علك هالدرس ترجية بذنك كون
غيرة كل عراقي بذمة الشارب
بقلم
عامر العراقي
نحاول من نسولف مانشيل ذنوب
بس موجب وسالب ينحسب سالب
الصفر يبقة صفر لوتضربة بمليون
اشكد حلوة العيون وماعلت حاجب
الماعندة مبادئ قاضي ليصير
لعيون الغريزة انداست اشوارب
التنطي شرفها تنطي كلشي وياه
لاترتجي اعليها وتطلع اتحارب
ترجع والظهر متروس طعنات
وتضحك هية بيك اتشمت الصاحب
اخذ عبرة التواضع ماينقصك شي
اذا شفت اليعلمك صيرلة طالب
عبرت الاربعين ولسة تلميذ
وماناوي اصير اعلة العلم شايب
تعلمت بحياتي دروس ودروس
وعاشرت الخلوق وعاشرت سايب
عذرا من لساني عظم مابي
موطبعي بحضوري انحسب غايب
من زغري اعدل المايلة لتطيح
ومااتحجج اني بكلمة التايب
المايقبل نصيحة اندوسة بالرجلين
واكو بعض البشر محتاج هالواجب
لان طبعة ردي من كبل سبع سنين
هسة يريد يرفع عينة عالحاجب
كبلك حاولوا ماكدروا وياي
المتربي عدل بخلاقة يتحارب
علك هالدرس ترجية بذنك كون
غيرة كل عراقي بذمة الشارب
بقلم
عامر العراقي
