ياشيطان شعري شعندك وياي؟ احسك علي متعالي
صار اسبوع مدك علي باب أكو حسبة جبيره ساكنه ابالي
مو جنت وياي صاحب ماتروح ابعيد وتنفذ شكو فكره بخيالي
مطيع وتحضر من الك احتاج وتتحمل كل ملاعبي اودلالي
اريدك هل المره وتنخاك صافي تكون ماغيرك صفالي
الملم بالقوافي وتوكع من الايد فرغت يمنتي وعجزت شمالي
اريد اكتب اواوصل المقصود ولاصوره ارسمت ماادري شجرالي
حسبة اواه ومكاسر تناهيد شارد فكر حال الشوم حالي
ادورمن يعين الروح كلها اتعذرت حتى حلي وحلالي
وانت تريد تتخله عني شبيك اذا عندك عذر جاوب سؤالي
احس اجنون متوسده الفكار ماتفع دراويش او ملالي
ساعدني واريدك توكف اوياي كلهه اتعذرت بس انته البقالي
اريد اكعد اسويعه اوياك ونتعاهد عهد يشهد له الهلالي
تظل صاحب الي للدوم وانته ارجوك لدور بدالي
رمااد أأنسان
