هاي سالفه صارت وياي... بس الزموا اعصابكم.ههههه
اكو ابنيه يعني فتاة, اجتني كالت اخوي ضياء اذبها لو اخليها... فانا كلتلها انا اخوج عد عيناج. كولي... كالتلي اكو واحد يتحرش بيه وانا والله ما محاجيته بس هو لزك لزكه.. فكالت اريدك تكتب قصيده .. علماً البنيه من الناصرية..
مع احترامي لجميع بنات العراق وكلهن على راسي.. بس السالفه وصلت للعظم.
............القصيدة .......
لاتمد ايدك غصب ،(عيطه) انا شوف..... موش كلمن كاض منجل كال أجر
موش تتمرجح بطر ، خافن تطيح............ وانتَ بالله شجايبك صوب البطر
انا غص بيه الدهر لن بت ابوي............ موش مثلك جابني وردني الدهر
ليش ؟!كالولك هِدد وانته اعتنيت!! ..........مادريت شلون اعلمك يا غجر
انا غشاوة شرف كل طولي ليل.. ............. جاي هسه تريد تتمرجح نظر
الكمر ماينطي نظره بكل ضواه.. ........ الشمس تعكس ضوه الوجه الكمر
موش حايط، حسّبت ناصي وتفوت............ انا عثره البيه تجفي وتنهطر
لايوهمنك ‘سكم تلكاني غيض............. مايخلصك من فزعتي إلا الكَبر
انا لو ارفع شراشيب الحجاب... ..........ولو صحت حيهم ‘ بعد لاتنتظر
لاتحط راسك براس الما تشوف .. .......غير بس عكال ابوها بهل العمر
انا بت صاية بخت تمطرلي غيث.... ..موش ياهو الجان صاح انا مطر
انا بت من ينّعد ال 100 بكفاه........ خاف حسبالك مثل عَدّك صفر
انا بت الناصريه الكلي زود............ روح لمّك شوفها وعيد النظر
عندي جفين، اليلاويني شيريد؟........ غير بالعباس اسطرنه سطر
عيطه انا بالعباس ماتكدر تنوش
لو كلت حيهم غير تتبريد جيوش
بقلمي
ضياء الصافي
