ام الشهَيد العريس..((بقلمي)) حصرياً لفخامة العراق..خاص بمسابقة الشعر...

[تراتيل عاشق]

ام الشهَيد العريس..((بقلمي)) لفخامة العراق..القصيدة الفائزة بمسابقة الشعر..

[ALIGN=CENTER][TABLETEXT="width:80%;background-color:black;"][CELL="filter:;"][ALIGN=center]بسم الله الرحمن الرحيم
ـــــــــــــــــــــــــــــــــــ

ليس هناك أقسى أو أكثر حزناً من أن تفقد أم .. إبنها الوحيد
في الوقت الذي تَحلم بقرب زواجهِ وتحقيق أحلامها وإحلامه كباقي الشَباب
ولكن في وَطننا الجريح للام رأي آخر.. وعريسٌ ليسَ كمثلهِ عريس
اليكم يا أخوتي قَصيدتي المتواضعة
بلسان حال ام الشهيد الشاب
داعياً المولى القدير أن يُلهم كُل ام فقدت فلذة كبدها الصَبر والسِلوان..

زفيتك يغالي هناك يم الحور
وهلاهل بالسما صارلتك الزفه

جنت احلم زواجك وانته يمي هناه
وهسه النهر فاض وفاضت الضفه

وما ندمانه ابد لا وحق دمك لا
انته ابني الوحيد وأعرف بضرفه

نذرتك للوطن وترابه والنجمات
ولحفظ الشرف والعرض والعفه

ومن كَالوا شهيد ارتفع راسي اوياك
وي دمك الطاهر من كثر نزفه

واحس الروح طارت ويه روحك غاد
وانته اسمك عريس وبيدك الدفه

رصاصات الغدر ما كَدرت اوياك
إن صابت جسد..روح الوطن تشفه

يالأوحيد جنت.. بس ربعك اهواي
وجنت الهم اخو بالضيكَه والمرفه

وهسه بالعرس ماقصروا ويـــــــاك
زفوك بعلم لأحلامــــــــك الترفه

راح اشتاااااااكَلك يالرايح هناااك
يصرخها الكَلب ما نطقت الشفه

صح افرح بعرسك وافتخر بالصار
بس احساس امك محد يعرفه

احساس الفكَد وكلمة عساج بخير
وبوسات الجبين الجانت بلهفة

وضحكاتك يغالي الجانت منورات
ماحسبالي يمه بالعَجل تطفه

وسجادة صلاتك والعطر والطيب
وصفحة ذكرياتك مارضت تغفه

ولحظات الموادع والدمع بالعين
كلهه بجفه والله وهايه الأبجفه

يالإوحيد افراكَك أخذ مني الحيل
وإجروح الإفراكَـ المارضت تشفه

يمه اتوسلك ترجعلي لو بس يوم
والله البيت اظلم ووحشه الغرفه

........

بقلم
مُخلد
تراتيل عاشق
6 - 6 - 2016

[flash=http://www.iraqi-up.com/uploads/14652519731.swf]WIDTH=1 HEIGHT=1[/flash][/ALIGN][/CELL][/TABLETEXT][/ALIGN]​

 

["شہــاه زنـــان"]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

عجز اللسان عن الوصف بل عجز الكلام عن الكلام
دمت متألق أنيق بكلماتك واختياراتك فعلأ كلام مؤثر
ويعبر عن الواقع حاليأ جل احترامي وغايه اعتزازي بك تحية الئ سموك ...

 

[✿قہہمہہر✿]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

كلمات محزنه
والموسيقى متلائمة حيل وي الكلام
والله بجيت واني اقراها مو مجامله هاي الحقيقه
الله ينطي الصبر لكل ام فقدت ابنها
ترى والله صعبه يروح منها ابنها والتربية هاي التشلع الكلب
الله يكون بعونهن والله ينتقم من الي جان السبب
اتمنالك الموفقيه وقصيدة تستاهل الفوز

 

[المشتاق]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

أخي المبدع ترآتيل عآشق

سلمت يدآك لهذه اللوحة

{{ أم الشهيد العريس }}

دآم لنا فيض العطآء
وللمزيد مِن الإبدآع والفن
تحيآتي الأخوية
مع بآقة ورد
​

 

[تاج العفة]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

ليس من الاحترام ان اعطي راي بشاعر انت شاعر ولا مجال للنقاش سلمت اناملك الراقية لخط ابداع بكلمات كالالماس على ورق من ذهب صاغتها مشاعرك

 

[ومضة حنين]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

كلمات حزينه
وجميلة جداً يامبدع
دمت متألق ورائع
بالتوفيق تقديري وتقيمي

 

[اسير الضمير]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

السلام عليكم
قصيده جميله ولكن مؤلمه بنفس الوقت
امكانياتك الشعريه ممتازه
القصيده مكتملت الجوانب
وفيها اكثر من صوره والصور تكمل بعضها البعض
من اجمل ما قرات اليوم
اجمل الشعراء من يكتب باحساس
واحساس طار بنا الى عالم من عوالم حزن واسى العراقيين
تحياتي لك
عماد

 

[مـــجيـّدالسيــــد]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

الوطن من يحتاج دم
نضخ ادموم وابد مانبخل بدمنه
والوطن لو جاسه هم
يفزع حتى الطفل لو فزعت امنه
لاجلك ياوطن نتجرع السم
ونزف ارواح الك والروح ماتهمنه


ما اروعك عندما تكتب عن المعاناة الحقيقية
للام العراقية وبهذا النفس والاحساس المميز
تحياتي وتقييمي لك اخي الرائع والبارع

 

[سومري]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

تراتيل عاشق
ترتل للشهيد وام الشهيد ابلغ كلمات
واجمل صورة شعرية لامست الاحساس

كل الشكر والتقدير لابداع قلمك وتميزك
ننتظر جديدكم
وكلنا فخر
تحياتي
ووردي

مع تقييمي

 

[نورس]

رد: ام الشهَيد العريس..((بقلمي)) حصرياً لفخامة العراق..خاص بمسابقة الشعر...

الله عليك
مبدع بمعنى الكلمة

كلمات جميلة وقصيدة مؤلمة

ربي يوفقك اخي الغالي
وعاشت اناملك