خليك بمكاني وعيشلك يومين
ومثلك كون اصير وجرب العشرة
وشوف شلون تخلص عيشة المطلوب..
دم واهل المضايف منه تتبره..
اقوه امن الخمر تأثيرك اعله الروح..
انعد عالسكارى وماضكَـت كَـطره..
انا وي شوفتك داس اعله جفني الليل..
ومو بجدامه داسه بحافر المهره..
يالتنعس كَـبل مايطلع الخفاش..
انا بلياك كاسر خاطر الكَـمره..
بس بالحلوه اشوفك بالفهاوه تروح..
وانه مرافكَـكَ عال مره وال مره..
انا امن ابجي انشف اهدومي مو الخدود..
انكَـع حالي حال الطالع بمطره..
وثمرك وينه خاطر بالحصاد تخاف؟؟
نفع مابيك وانه انحاز للشجره..
مااكَـطع التنبت بيه لو صبير..
فلاح واحب السالفه الخضره..
طبر بيدي واكَـولن خاف عش فوكَـاه..
لو عاشكَـ تعنه وبيه خط ذكره..
اعله كَـد عقلك انطيتك من ردتهه احساب..
بجف طفله حسبت ايامك المره..
وكلت عد السنه واوفيلك وعديت..
وخنتني انت كَـبل مااوصل العشره..
ببالك موش واحد ناس يتمشون..
مو بس اسمي صاير وجهي متذكره..
وجي سنك ذهب تضحك جنت وياي..
لان تدري بلمعته تضوج الفقره..
وياملكَـه التهون فشلة المطرود؟؟
الطلع من الكَـلب نفس الطلع بره..
اليشرب ماي بير بطعمه يلكَـه اسرار..
شكض منك لكَـوك العطشوا بصحره..
مجتف للخبز بعدين للعباس..
الوزعته بثوابه وجيتني بعذره..
الخريف اعله الزرع بس الممر عالناس..
شكد جاملت ناس وجوههم صفره..
وانت ولاكَـلت من دوني وحده يعيش..
انا بمحجر عشكَـ واتخيلك بسهره..
الشمس شدت رتب بجتافي من تانيت..
بمكاني وعدت امن اليمنه عاليسره..
تمنيتك تجي لو شخص ثاني اوياك..
وبيدك كَـايده هم موقف اعتبره..
النسيم..العاصفه..مو فرق عالغركَـان..
نفس رايد يعيشه حتى لو حسره..
المات شما تثوب لروحه ميساويه..
ويه المعتنيله وباجي يم كَـبره..
يابويه التحبه شينكره مكَـفاه..
تحس راح امن ايدينك من يفر خصره..
بعيون اليحب الضهر يقره اوداع..
وانا طول العمر ماشفت بس ضهره..
منا وانتهت..مدري انتهت مناك..
من صديت شوكَـي بعينك الحمره..
ومثلك كون اصير وجرب العشرة
وشوف شلون تخلص عيشة المطلوب..
دم واهل المضايف منه تتبره..
اقوه امن الخمر تأثيرك اعله الروح..
انعد عالسكارى وماضكَـت كَـطره..
انا وي شوفتك داس اعله جفني الليل..
ومو بجدامه داسه بحافر المهره..
يالتنعس كَـبل مايطلع الخفاش..
انا بلياك كاسر خاطر الكَـمره..
بس بالحلوه اشوفك بالفهاوه تروح..
وانه مرافكَـكَ عال مره وال مره..
انا امن ابجي انشف اهدومي مو الخدود..
انكَـع حالي حال الطالع بمطره..
وثمرك وينه خاطر بالحصاد تخاف؟؟
نفع مابيك وانه انحاز للشجره..
مااكَـطع التنبت بيه لو صبير..
فلاح واحب السالفه الخضره..
طبر بيدي واكَـولن خاف عش فوكَـاه..
لو عاشكَـ تعنه وبيه خط ذكره..
اعله كَـد عقلك انطيتك من ردتهه احساب..
بجف طفله حسبت ايامك المره..
وكلت عد السنه واوفيلك وعديت..
وخنتني انت كَـبل مااوصل العشره..
ببالك موش واحد ناس يتمشون..
مو بس اسمي صاير وجهي متذكره..
وجي سنك ذهب تضحك جنت وياي..
لان تدري بلمعته تضوج الفقره..
وياملكَـه التهون فشلة المطرود؟؟
الطلع من الكَـلب نفس الطلع بره..
اليشرب ماي بير بطعمه يلكَـه اسرار..
شكض منك لكَـوك العطشوا بصحره..
مجتف للخبز بعدين للعباس..
الوزعته بثوابه وجيتني بعذره..
الخريف اعله الزرع بس الممر عالناس..
شكد جاملت ناس وجوههم صفره..
وانت ولاكَـلت من دوني وحده يعيش..
انا بمحجر عشكَـ واتخيلك بسهره..
الشمس شدت رتب بجتافي من تانيت..
بمكاني وعدت امن اليمنه عاليسره..
تمنيتك تجي لو شخص ثاني اوياك..
وبيدك كَـايده هم موقف اعتبره..
النسيم..العاصفه..مو فرق عالغركَـان..
نفس رايد يعيشه حتى لو حسره..
المات شما تثوب لروحه ميساويه..
ويه المعتنيله وباجي يم كَـبره..
يابويه التحبه شينكره مكَـفاه..
تحس راح امن ايدينك من يفر خصره..
بعيون اليحب الضهر يقره اوداع..
وانا طول العمر ماشفت بس ضهره..
منا وانتهت..مدري انتهت مناك..
من صديت شوكَـي بعينك الحمره..
