انت ليش هسه اجيت..

[العـ عقيل ـراقي]

انت ليش هسه اجيت..
بعد ما خلصن ادموعي
وبفراكك انه انتهيت..
انت ليش عفت گلبي
وبالهجر وياي ابديت..
شلتك گمر بسنيني
وشما اشوفك عيديت ..
//
انت ليش هسه اجيت..
خلصن ذيچ الليالي
ولسنين عمري مرمريت..
طشن بدربوبي ذنبهن
وانه لاجلك اتحمليت..
ياحلم بعيوني شلتك
ويامة على جفني طرزيت
وشكثر واهس يجيني
ويامة انطرتك واتأمليت..
وشكثر روحي اشتهتك سيسبان
يلي عله حظي ماورديت..
//
انت ليش هسه جيت
ياشكاگت طلع برحي
بس وي روحي يبسيت..
ياحسافة ضاع العمر
ويا الف حسافة اتأخريت
وشنهو الي ذكرك بيه
بعد ما بعت بيه واشتريت
هو حظي الي جابك
لو انت لوحدك اجيت..
انت ليش هسه اجيت


عقيل العراقي..

 

[لُطف]

جميل جداً

 

[العـ عقيل ـراقي]

الاجمل حضورك
شكرا لكِ
عقيل العراقي

 

[قلائد الياسمين]

انت ليش هسه اجيت
...

رائعة تحمل معاني و رنانة
مبدع كالعادة
بساطه و وفرة حس

لقلبك الفرح

 

[انتظرتك]

جابني القدر... لعندك
كنت مشتاقه.... لودك
قلبي متعطش لشوفك
اربد بكفي المس خدك

استاذي عقيل العراقي
حَضَرتَ وحَضَرَت مهارة الحرف
سام بناتك
تقبل مروري

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[العـ عقيل ـراقي]

شكرا لحضوركم
وروعة احرفكم
كل الامنيات
عقيل العراقي