أول مشاركة اتمنى تعجبكم
بالباكيت بعدك .. ناعم ازغير ..
حلو ، امعدل ، رقيق ، وحيل شفاف
عمرك صفحة بيضة انفتحت بشوگ ..
إطار إلهه الشرف ، والعفة الاغلاف
براءة طفل بيك ورقة واحساس ..
لكن من جمالك حيل ينخاف !!
ما شايف مثل حسنك حسن دوم ..
ولا شايف مثل أوصافك اوصاف !!
وجهك بدر ضاوي وشعرك الليل ..
حرير وطوله واصل حد الارداف !!
صفناتك تصفن عاصف الريح !!!
ونظراتك ولا فسّرهه عرّاف ؟؟
مكتنزه الشفايف ، منبع اغراء ..
حلگك محبس ويا دوب ينشاف !!
ضحكتك نغمة تطرب ، صوتك ألحان ..
مقام اجديد للموسيقى ينضاف
النرجس من بياضك ماخذ اللون ..
ورد الجوري ماخذ لون الاشفاف !!
وخصرك خصر دلة اقياسه اصبعين ..
لكن بالسنين الخصر ينطاف !!
مشيتك تغري بيك اضعاف الانفوس ..
لا كل البشر مو بس الاضعاف
على طول السنة الجو مترب وحار ..
حر ما ينجرع وإنوبه هم جاف
لذلك من نريد شويه نرتاح ..
نروح ابحضنك احنه هناك نصطاف !!
بجمالك غيرت كل المفاهيم ..
وخالفت السنن كلهن والاعراف
ولك تعبني وصفك ، والتعابير ..
ما توصل عظمتك وين الانصاف ؟؟
شما وصفك أحس امقصر اوياك ..
ولا وصلت عشر حسنك هالاوصاف !!
تعال احضنـّي حيل بحضنك ارجوك ..
وعوضلي العمر واسنيني الاعجاف
غصب عني أمد إيدي اعله خديك ..
وتتجاسر اشفافي اتبوس الاشفاف
ميظل كل عقل من نگعد اوياك ..
احنه اگبال شفتك كلش اضعاف !!
واعذرني اذا أتماده كلساع ..
بشر محروم انه ، وما شايف وشاف ؟؟
لكن ما نعيل بقصد مو زين ..
أبيض من ثلج واگلوبنه انظاف !!
بالباكيت بعدك .. ناعم ازغير ..
حلو ، امعدل ، رقيق ، وحيل شفاف
عمرك صفحة بيضة انفتحت بشوگ ..
إطار إلهه الشرف ، والعفة الاغلاف
براءة طفل بيك ورقة واحساس ..
لكن من جمالك حيل ينخاف !!
ما شايف مثل حسنك حسن دوم ..
ولا شايف مثل أوصافك اوصاف !!
وجهك بدر ضاوي وشعرك الليل ..
حرير وطوله واصل حد الارداف !!
صفناتك تصفن عاصف الريح !!!
ونظراتك ولا فسّرهه عرّاف ؟؟
مكتنزه الشفايف ، منبع اغراء ..
حلگك محبس ويا دوب ينشاف !!
ضحكتك نغمة تطرب ، صوتك ألحان ..
مقام اجديد للموسيقى ينضاف
النرجس من بياضك ماخذ اللون ..
ورد الجوري ماخذ لون الاشفاف !!
وخصرك خصر دلة اقياسه اصبعين ..
لكن بالسنين الخصر ينطاف !!
مشيتك تغري بيك اضعاف الانفوس ..
لا كل البشر مو بس الاضعاف
على طول السنة الجو مترب وحار ..
حر ما ينجرع وإنوبه هم جاف
لذلك من نريد شويه نرتاح ..
نروح ابحضنك احنه هناك نصطاف !!
بجمالك غيرت كل المفاهيم ..
وخالفت السنن كلهن والاعراف
ولك تعبني وصفك ، والتعابير ..
ما توصل عظمتك وين الانصاف ؟؟
شما وصفك أحس امقصر اوياك ..
ولا وصلت عشر حسنك هالاوصاف !!
تعال احضنـّي حيل بحضنك ارجوك ..
وعوضلي العمر واسنيني الاعجاف
غصب عني أمد إيدي اعله خديك ..
وتتجاسر اشفافي اتبوس الاشفاف
ميظل كل عقل من نگعد اوياك ..
احنه اگبال شفتك كلش اضعاف !!
واعذرني اذا أتماده كلساع ..
بشر محروم انه ، وما شايف وشاف ؟؟
لكن ما نعيل بقصد مو زين ..
أبيض من ثلج واگلوبنه انظاف !!
