بالصور والفيديو طريقه عمل استايل الآفرو Afro Hair Tutorial

[رِۆُבـيِ ٺَنآديڪْ.]

أول خطوه نسويها هي تبليل الشعر بالماء يعني قولي بعد ما تطلعين من الشاور ويجف شعرج
شوي لكن مازال مبلول ...

ثاني خطوه نقسم الشعر لثلاث أقسام قمة الراس وعلى الجانبين .. ما يهم كيف تقسمين الشعر بس
اشوف الاسهل نتبع نفس خطوات البنت

نمسك قسم قمة الرأس إلي هوو يشمل الغره بعد، ونلفه كم لفه ونثبته بقباضه لين ما نشتغل عليه بعدين
راح نشتغل ألحين على الجانب الأيسر من الرأس

ناخذ كميه من الخصل مب واايد ولا شوي مثل الكمية إلي ماسكتنها البنت في الصوره رقم (3) ...
مب ضروري تكون الأقسام جداً متساويه أهم شي تخلصين وتلفين الشعر كامل

دخلنا بالجد كل شي نحتاجه هوو نوع من البوبي بين نحن نسميه مشقاص ما أعرف بالسعودي
شوو تسمونه .. المهم هو نوع من المشاقيص المفتوحه هذي صورته

ندخل الخصله المجمعه بالكامل لعمق المشقاص ونبدا نلف الشعر بشكل الحرف (8)
واحنا نلف لازم نركز على رص اللفات على بعض ويوم نوصل لأطراف المشقاص مثل ما هوو موضح
في الصوره رقم (7) نقوم بإغلاق أطراف المشقاص عن طريق لفه وتدويره بشكل محكم

في الصوره رقم (8) البنت خذت مشقاص ثاني وراحت تكمل عليه باقي الخصله المجمعه
بنفس الطريقه وقبل ما نوصل لآخر أطراف الخصله، نحرص على ابقاء الجزء الأخير من الخصله من غير لف
طبعا نحكم إغلاق المشقاص الثاني ونكمل العملية نفسها على باقي الشعر

في الصوره (9) شكل الشعر بعد ما اشتغلت عليه البنت بالكامل ... ممكن نترك الشعر لين يجف عادي
أو ننام فيه بس انتبهوا من المشاقيس لا تعوركم
ضروري الشعر يجف ما ينفع نفك اللافافات قبل ما يجف الشعر

وآخر خطوة كيفية فك اللفافات .... نقوم بفك أطراف المشقاص بالأول بعدها نمسك قمة المشقاص
ونسحبه من الشعر ... نكرر العملية على باقي اللفافات

بعدها نقوم بتفريق الخصل عن بعضها البعض شوي شوي راح نلاحظ الآفروو تكون عندنا
وعشان ترتب الشعر أكثر ، البنت ثبتت شعرها بسبريه ورفعت غرتها بمشاقيص

http://www.youtube.com/watch?v=TnZZoE_6gXM​

 

["" حنين ""]

رد: بالصور والفيديو طريقه عمل استايل الآفرو Afro Hair Tutorial

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي

 

[Pгιиċεѕѕ Ńoυгнaη »❥]

رد: بالصور والفيديو طريقه عمل استايل الآفرو Afro Hair Tutorial

راق لي طرحك

تسلم الايادي

في انتظار جديدك

تحياتي لك

وودي