~
بالك تعتقد من غدرك اتأذيت
واذا هذا اعتقادك معرفتني
لأني ابكل كتر متصوب اوملدوغ
سمك ماكتلني امنلدغتني
حليه العبت ويه الحيايه اسنين
من يمته الحيايه امخوفتني؟؟
علمتني الشدايد ما أدنك راس
والسجاده بس الدنكتني
من بيه امي طلكت ما أجه الدكتور
من وحدي اطلعت ما طلعتني
وانه امنالزغر لهايتي السجين
وامي ابجلد حيه امكمطتني
بت ابيوت انه وعن الف رجال
طبعين الشدايد علمتني
أنه ابجفيت ابوي اتحزم اوماخاف
و حدر زيجي ورد لو كشفتني
ماشيت التعب حدما تعب وياي
وهوه الكلي أوكف تعبتني
ماحب الدلع حته احلم ابكاروك
أنه ابتابوت أمي امنيمتني
ميت من كبل ليش اشرد امنالموت؟؟
طعنات الأحبهم موتتني
كطره امنالبحر ماينشف امنتروح
تظن انته ابغيابك عذبتني؟؟
بعتهن ذكرياتك حطب للتنور
واحلامي احركتهن واحركتني
فك حلكه اللهب والباقي صم ارماد
شملت والنسايم طشرتني
ماتفرق بعد والألم نفسه انعاد
ماحس ابألم لو ألمتني
بللني المطر حدما غصت بالماي
شرد ابتل بعد لو بللتني؟؟
":x":x":x":x":x":x":x":x":x
