#بحبك قد حلم بسيط بأسره وبيت وكام عيل

[غمزة]

بقت شايفه الحياه بعينه
وواقفه وراه وسانده عليه
ولو سألوها عاجبك ليه؟!
تقول "هو انتو مالكو انتوا"
وايه بس الي دخلكم
مابين واحد وبين #بنته!




بحبك ايه؟! .. #كلام_الحب
لو يتقال هيظلم معنى احساسي
يجوز اني ساعات عصبي
يجوز اوقات بكون قاسي
لكن والله برجعلك
لإني ضعيف قصاد زعلك
وشايفك أهل ليا وبيت
بكيت عـ الماضي من قبلك
ومـ الفرحه معاكي بكيت♥



#حبيبتي وصاحبتي وبنتي ..
حياتي عباره عن "انتي"
بحس معاكي اني بقيت..
بعيش لحظة مافيكي بموت
وراجل هادي زي الطفل
وطفل في منتهى الجبروت



♥
ياطفله فـ عيني
مبتكبرش بالأيام..
وأم فـ #حضنها بقدر
أحس براحه وقت ما أنام
♥



#بحبك
قد ايه؟! معرفش
ومش هعرف قد ايه حبيت
لإنك بيت فـ صورة بنت
وبنت لقيت معاها البيت



#بحبك
وقت مابحسك
حبيبتي وصاحبتي الانتيم
دراع وقت أما أقول ياخناق
وحضن ان كنت ناوي فراق
وبرجع فـ الغياب مشتاق
ومن غيرك بتوه وبـ أهيم



#بحبك
قد فيلم قديم
وسهره وضحك هستيري
بحبك قد مادماغك
بتنشف وقت ماتغيري
وقد ماقلبك الطيب
بيتحول فـ دماغ ناشفه
ووقت ماتعرفي غلطك
وتنهي المشكلة بـ آسفة
#بحبك قد ماخدودك
بتطرح ورد مـ الكسفه
وقد حلاوة الأيام
وقد الرعشه فـ التسليم



#بحبك
قد حلم بسيط بأسره وبيت وكام عيل
بحبك قد ما اتمنيت وقد مابعرف أتخيل
وقد مابعرف أبقى عنيد
وبطمن بمسكة ايد
#بحبك من جديد ف جديد
كأني شراع ويميل

 

[فتنةة العصر]

رد: #بحبك قد حلم بسيط بأسره وبيت وكام عيل

عاشت الايادي المبدعه

 

[سعد العراقي راقي]

رد: #بحبك قد حلم بسيط بأسره وبيت وكام عيل

تسلمين
شـــكرا لك

 

[فتنةة العصر]

رد: #بحبك قد حلم بسيط بأسره وبيت وكام عيل

تسلمون وايد يامبدعين

 

[غمزة]

رد: #بحبك قد حلم بسيط بأسره وبيت وكام عيل

منورين

مشارك بالمسابقة الخريفية

 

[زُمُــــرُّدة]

رد: #بحبك قد حلم بسيط بأسره وبيت وكام عيل

يسلموو ع المجهود

 

[قيصر الحب]

رد: #بحبك قد حلم بسيط بأسره وبيت وكام عيل

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحك