رمضان كريم عليكم وعلى عوائلكم الكريمه
يسعدنا ويسرنا جدا بأن نضع بين أيديكم
حلقة جديده من البرنامج
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان تكون ضيفتنا لهذه الحلقه
عضوه متآلقه في سماء
الفخامة بروحها الجميله ودمها الخفيف
فهي بحق ملكة الكوميديا بالفخامه
انها
عضوه متآلقه في سماء
الفخامة بروحها الجميله ودمها الخفيف
فهي بحق ملكة الكوميديا بالفخامه
انها
المواقف
الموقف الأول
ايام الدراسة وموقف مستحيل انسى
من كد الفشله :d:d
كان عدنا امتحان شهري واني سابقآ
كنت محاضرة بالأمتحان الأول فـهذا الأمتحان الثاني
اذا مااحضر تروح عليه :d
المهم طالعه الصبح واتمختر اتمشى
بكامل اناقتي والعطر واصل لكوكب بلوتو
هههههههههه
المهم فات ابن جيرانه الله لا يوفق وجهه الطاوه
بالسيارة وهو متقصد بوقته كانت الدنيا تشتي
يعني شته وبعده مي المطر تارس الدنيا
( خيسه جيحه ساكيه )
وهذا الميخاف الله شحطلك السيارة
ومااحجيلكم على كمية المي الصار ع هدومي
وراحت الشياكه والأناقه في مهب الريح
وماكدر ارجع للبيت خاف اتأخر واني النادرة
مكنت احب اروح بالخط ( باص كيه )
احب امشي روحي بالهوا الطلق
( هسه خوش فادني )
وبالفعل كملت طريقي للمدرسة
ولا كأن صاير شي المدرسة ست عواطف
الله ينطيه الصحه والعافيه شافتني
وجان دكولي بعد وقت ست الحسن والجمال
وشنو هاي جايه مشي على هدومج
طبعآ اني تفاديا لتفاهة الموقف كركرت من الضحك
عساه بحظك وبختك ي رافد الفكر
على فكره رافد الفكر هذا ابن الجيران
ولحد لأن هو جيرانه وكلما اشوف
جهرته اتذكر كمية نذالة ذاك اليوم
بس الغريب اظل اضحك
ههههههههههههه
الموقف الثاني
بزواج ابن عمي
رحت للصالون
وطلبت من ام الصالون الكوافيره ان تسويلي
تسريح الشعري بس تسريح
وتقص الأطراف شوي مو هواي
شعري كان طويل واتفاخر بي كدام بنات الأقارب
( اتفيك عليهم هع هع )
ام لصالون الكوافيرة ماقصرت
لا بالله طيرتلي شعري
والغريب اني ماانتبهت فد مره المهم
اني صرت اعصاب وهاي خطيه تحاول تهديني
واخرتها اني طلبت منها ان تقصرة بعد درجه
وهي ستغربة وتكول شلون جنتي عصبيه وكذا
وهسه تطلبين اقصره بعد جاوبتها
هو انتي لعبتي بي لعب دكملي ع الاخر
هههههههههههه
بس والله بوقتهه كل بنات الأقارب انعجبو بالوك الجديد
باستثناء زوجي عاتبني عتاب يخبل لان هو كان
من عشاق الشعر الطويل
هههههههههه
كان يعني سابقآ
حاليآ هو يختارلي قصات قصيرة
:d:d:d
الموقف الثالث
هذا الموقف من كم يوم صار وياي
ويافضيحتنا بين العربان
عندي خالي متزوج ومستقر في امريكا
من سنين وعنده ولد واحد واثنين بنات
رمز من رموز الرقه البنات
يعني مايعات بشكل لا يطاق
( مااهضمهن كلش )
من صار وباء كورونا كثرت اتصالات بنات خالي فديتهم
هذولة متعودين بكل مهرجان للزهور في هولندا
يرحون هناك
( رب الفوخان فايخين كلش )
:d:d
هاي السنة ماكو مهرجان الزهور ويكولون الهولندين
صارو يرمون الزهور بالحاويات ( المزبله )
:d:d
المهم اني بيت اهلي وهاي بنت خالي
تحجي مع اهلي اتصال وفاتحه كام ومقهورة
ومبين عليه كانت تبجي
طلعت على شنو تبجي وجه الضفدع
على الزهور ومهرجان الزهور
الصراحة اني مااعرف اسكت لطشت خلقتي بالكام
وصرت اغرد عليها وعلى خالي يلي هو ابوها
وختمت كلامي
ب( انعل ابوج لا ابو الورد )
تبجين ع الورد وهاي ارواح العالم يحصد بيهم كورونا
ياجماعة الخير وماسمعلك غير بس اصوات ضحك
X_XX_Xويافضيحتنا بين العربان
عندي خالي متزوج ومستقر في امريكا
من سنين وعنده ولد واحد واثنين بنات
رمز من رموز الرقه البنات
يعني مايعات بشكل لا يطاق
( مااهضمهن كلش )
من صار وباء كورونا كثرت اتصالات بنات خالي فديتهم
هذولة متعودين بكل مهرجان للزهور في هولندا
يرحون هناك
( رب الفوخان فايخين كلش )
:d:d
هاي السنة ماكو مهرجان الزهور ويكولون الهولندين
صارو يرمون الزهور بالحاويات ( المزبله )
:d:d
المهم اني بيت اهلي وهاي بنت خالي
تحجي مع اهلي اتصال وفاتحه كام ومقهورة
ومبين عليه كانت تبجي
طلعت على شنو تبجي وجه الضفدع
على الزهور ومهرجان الزهور
الصراحة اني مااعرف اسكت لطشت خلقتي بالكام
وصرت اغرد عليها وعلى خالي يلي هو ابوها
وختمت كلامي
ب( انعل ابوج لا ابو الورد )
تبجين ع الورد وهاي ارواح العالم يحصد بيهم كورونا
ياجماعة الخير وماسمعلك غير بس اصوات ضحك
طلع خالي ومرت خالي كاعدين بالصاله
بنفس مكان بنت خالي الله يفلش صماخها
واني الله وكيلكم ماعندي علم نوب غير افشل
واستحي على دمي
s=195s=195
مااعرف من هول الفشله :d:d
وجهت كلامي لبنت خالي
( الله ينتقم منج غير ادكولي ابوج هنا قريب منج من
فلك فلكج وفلك ابوج فضحتينا )
وبسرعة البرق
( خالو حبيبي شلونك اهم شي صحتك )
وتركت الكام وبيت اهلي وكبل على بيتي
بالمناسبة بيتي وبيت اهلي الحائط على الحائط
جيران يعني
وهذا اخر موقف صارلي لحد هسه
والله يعلم شاخربط بالأيام الجايه
:d:d:d
النكات
(1)
كلشي يتغير بالعراق
إلا هدايا الأعراس
لو تتزوج بتموز يجيبولك هدية بطانيه ام النمر
ههههههههههههه
(2)
الأجانب يخافوون يكولون لأطفالهم
ان بابا نؤيل خرافه وكذب بكذب
يخافون على نفسيتهم لا تتعب
واحنه اهلنا يكولولنا انتم لكيانكم بصف الزباله
ههههههههههههه
شهالنفسيه الخايسه
(3)
البنت : حبيبي شعري قصير
الولد خل ابوسه حتى يطول
ههههههههههههههههههه
ولا يكعد راحة زيت الحية
(4)
اكو شيخ دا يتوضى رمه عبايته
رجع لكهه مرسوم عليه وجهة مطي ( حمار )
صاح الشيخ هاي من ماسح وجهة بعبايتي
ايكولون واحد دا يتوضى طلع المي من خشمة
من الضحك الظاهر هو المطي
هههههههههههه
إلا هدايا الأعراس
لو تتزوج بتموز يجيبولك هدية بطانيه ام النمر
ههههههههههههه
(2)
الأجانب يخافوون يكولون لأطفالهم
ان بابا نؤيل خرافه وكذب بكذب
يخافون على نفسيتهم لا تتعب
واحنه اهلنا يكولولنا انتم لكيانكم بصف الزباله
ههههههههههههه
شهالنفسيه الخايسه
(3)
البنت : حبيبي شعري قصير
الولد خل ابوسه حتى يطول
ههههههههههههههههههه
ولا يكعد راحة زيت الحية
(4)
اكو شيخ دا يتوضى رمه عبايته
رجع لكهه مرسوم عليه وجهة مطي ( حمار )
صاح الشيخ هاي من ماسح وجهة بعبايتي
ايكولون واحد دا يتوضى طلع المي من خشمة
من الضحك الظاهر هو المطي
هههههههههههه
(5)
ام تحجي وي ابنهه بالسجن وتعاتبه
ليش يايمه صرت وياداعش
وبسببهم دخلت للسجن وبهذلتنه بين الناس
جاوبهه الولد
حور العين يايمه
الأم ياعار ياابن العار هو بنات عمك العوبات
وماقبلن بيك تقبل بيك حور العين
:d:d
ههههههههه