رمضان كريم عليكم وعلى عوائلكم الكريمه
يسعدنا ويسرنا جدا بأن نضع بين أيديكم
حلقة جديده من البرنامج
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان ضيفنا لهذه الحلقه
عضو متآلق في سماء الفخامه
يمتازبروحه الجميله ودمه الخفيف
انه
الكون له اسرار
عضو متآلق في سماء الفخامه
يمتازبروحه الجميله ودمه الخفيف
انه
الكون له اسرار
المواقف
الموقف الأول
فد يوم صديقي
سووة عملية قسطرة لقلبه
وصرت اني وكيل اعماله
اودي ناس وارجع ناس وانفذ كل طلباته
فد مرة جبتله 3 أصدقاء يزورونه
اول ما دخلنا وسلمت عليه كلي
(محمد تعرف اني مريض بالقلب فلا تسوي أي خباثة)!
ما تحملت كلامه هذا.. فرأسا رديت عليه
لا حبيبي ادري بيك مريض واخاف تموت
واهلك يحسبونك علية رجال
هو تنرفز وسألني لعد اني شنو؟
كتله انت رجال.. بس رجال ناقص!
قبل لا يحجي أي شي كملت كلامي:
اقصد ناقص قلب
قلبك خربان فمن تموت ميصير انطي فصل كامل!!
بعد هو ما تحمل وكال للي جايين وياي
طلعوه برة قبل لا امووت
الموقف الثاني
وهو يعرف اني دااسوي بي مقلب
ومع هذا يعبر عليه
جنت بأحد المنتديات اشغل منصب نائب المدير
وجنت دائما اسوي مقالب بالكادر الإداري
واكو وحدة جانت مشرفة واطلبها ثار مال مقلب
فد يوم اتفقت وياها نسوي مقلب بأحد المشرفين
وجان رجال جبير بالعمر
كتلها روحي تعاركي وياه.. وهي فعلا ما قصرت
وجنت اني اكتب الها شنو تكول
اذا هو يكتبلها مثلا بنتي.. هي تجاوبه
( شايفني طفلة حتى تكولي بنتي)
اذا كتب اختي ترد عليه
( شنو اختك؟ اعرفك تعرفني؟ )
وهم تكتبله ( مو عيب عليك تحجي وياي؟
شكد جنت احترمك بس هسة نزلت من عيني
للأسف انخدعت بيك عبالي انت رجال جبير
والمفروض تكون قدوة النة)
ومن هالحجي
المهم هو خطية كلش ضاج واجاني
كالي اسحب الصلاحيات مني بعد ما ابقى هنا
كتله اهدأ ترا هذا والله مقلب
واني كتبت كل هذا الكلام..
بس تعال نسوي المقلب بيها
روح جاوبها بقسوة ولا تسكت الها
فعلا هو نفذ وكلمها بقسوة
من اجتني المشرفة كتلها روحي اشتكي عليه
واني استلمه هناك
واتفقت ويه كل الإداريين يوكفون ضدها
وهي عدها علم الكل ضدها بس اني وياها
ورأيي الأهم لاني اني صاحب اعلى منصب
فعلا هي كتبت الشكوى والكل تعارك وياهة
كنوع من التمثيل
وبعدين اني اجيت هم تعاركت وياها وكتلها
انت غلطانة شلون تتجاوزين عالرجال!!
هي انصدمت وكلش انحرجت وكالت والله ترا
هذا مقلب ومحمد كتبلي كل هذا الكلام
واني اعتذر من المشرف
وجابت سكرينات بالرسائل
وبعدين كتبتلي والله ما اسامحك والا اردها الك
فعلا ردتها الي يمكن 3 مرات...
الى درجة بعد بحياتي ما افكر اسوي بيها مقلب
طلعت اخبث مني
الموقف الثالث
فد يوم اتصلت على صديقي وقت الظهر
بس جان نايم وما جاوبني
هنا بدت كل الشياطين تقنعني اسوي بي مقلب
ولو اني مو بحاجة لاي شيطان
اذا كان الامر يتعلق بالمقالب
فاتصلت عليه يمكن خمس مرات
وبعدين كتبتله اس ام اس
( اتصل بي ضروري جدا.. الموضوع حياة او موت )
بعد ساعتين تقريبا اتصل علية ما جاوبته
بقى يتصل واني ما ارد
الى ان رديت بأحد الاتصالات وأول ما كال الوو
رديت عليه بعصبية واصيح
( وينك انت شكد صارلي اتصل عليك وانت ما تجاوب؟
ما تكول وين جنت؟ ما تدري شنو صاير بالعالم؟)
خطية هو كلش توتر وتهستر وصار يصيح
( شكو؟ شنو صاير؟ احجي بسرعة)
بكل برود وهدوء رديت عليه
( واني شعرفني شنو صاير )
للأسف ما سمعت أي رد منه واضطريت اصالحه
بعد أسبوع تقريبا واعتذر منه
عالم ما تتحمل مزح!!
المهم الله يكتبله الشفاء..
صارت عنده جلطة وسووله كم عملية
النكات
نجي للنكت ( 3منهن مواقف صارت وياي بالحقيقة )
(1)
فد يوم ابن اختي يكلي ميدو انت احلى من كل قرد!!
لسة اني صافن وافكر هو يمدحني او يسبني
(2)
فد يوم رحت لمجلس فاتحة حتى اعزي
صديقي بوفاة والده..
واني كاعد بالمجلس نسيت منو الميت,
فسألت صديقي ابن المتوفى
( شعجب الوالد مو بالفاتحة؟ مسافر لو بي شي؟)
الولد من الصدمة ما يعرف شيسوي..
يتعارك وياي لو يضحك؟
المهم المجلس تحول الى كوميديا وعمت الفرحة
في قلوب جميع الحاضرين:d
(3)
فد يوم جنت طالع وية زوجتي..
بالطريق كتلها عندي سؤال
بس عفية جاوبيي بصراحة بدون ما تزعلين
او تضوجين
كالت لا والله ما ازعل.. اسأل براحتك
كتلها انتي شسمج؟X_X
اشو هاي عصبت وكالت عزا العزاك..
ولك بيمن تفكر حتى نسيت اسمي؟
وبقيت تقريبا شهر ارضي بيها واصالح واجيب هدايا..
وتدخلو اهلي بالموضوع يلا انحلت المشكلة
هو سؤال شدعوة تكبر الموضوع؟
لا تجاوب اذا ما تريد بس ماكو داعي للمشاكل
(4)
متقاعد جان يدور مشكله ويه زوجته
دخل البيت ومالكه شي غلط
كال لزوجته
وين الغبار الي جان فوك الطاوله
كلتله شتسوي بيه
كللها..كاتب عليه رقم تلفون
لسة اني صافن وافكر هو يمدحني او يسبني
(2)
فد يوم رحت لمجلس فاتحة حتى اعزي
صديقي بوفاة والده..
واني كاعد بالمجلس نسيت منو الميت,
فسألت صديقي ابن المتوفى
( شعجب الوالد مو بالفاتحة؟ مسافر لو بي شي؟)
الولد من الصدمة ما يعرف شيسوي..
يتعارك وياي لو يضحك؟
المهم المجلس تحول الى كوميديا وعمت الفرحة
في قلوب جميع الحاضرين:d
(3)
فد يوم جنت طالع وية زوجتي..
بالطريق كتلها عندي سؤال
بس عفية جاوبيي بصراحة بدون ما تزعلين
او تضوجين
كالت لا والله ما ازعل.. اسأل براحتك
كتلها انتي شسمج؟X_X
اشو هاي عصبت وكالت عزا العزاك..
ولك بيمن تفكر حتى نسيت اسمي؟
وبقيت تقريبا شهر ارضي بيها واصالح واجيب هدايا..
وتدخلو اهلي بالموضوع يلا انحلت المشكلة
هو سؤال شدعوة تكبر الموضوع؟
لا تجاوب اذا ما تريد بس ماكو داعي للمشاكل
(4)
متقاعد جان يدور مشكله ويه زوجته
دخل البيت ومالكه شي غلط
كال لزوجته
وين الغبار الي جان فوك الطاوله
كلتله شتسوي بيه
كللها..كاتب عليه رقم تلفون