رمضان كريم عليكم وعلى عوائلكم الكريمه
يسعدنا ويسرنا جدا بأن نضع بين أيديكم
حلقة جديده من البرنامج
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان ضيفنا لهذه الحلقه
عضو متآلق في سماء الفخامه
يمتازبروحه الجميله ودمه الخفيف
انه
عضو متآلق في سماء الفخامه
يمتازبروحه الجميله ودمه الخفيف
انه
المواقف
الموقف الأول
اسمه صادق بيتهم بالفرع الي وره فرعنا ..
بيوم من الايام كاعد اني وصادق يم بيتهم
جان يكلي أكو طوبة واكعه ببيت جيرانه
واهل هذا البيت مموجودين
شنو رأيك نطفر ناخذهه ونطلع
اني ماجذبت خبر وين لاكيها تصير عندي طوبة
( للعلم جان محد يكدر يشتري طوبة الا بالعيد نجمع كلنه ونشتري )
اتفقنا اني اطفر وبعدي يطفر صادق اشو طفرت بالبيت
وهذا صادق يصيح حرامي بهذا البيت حرامي بهذا البيت
عود يشاقه وياي وما أحس الا يجي رجال جبير
اسمه ابو داوود هذا هو شلون المسؤول
عن الفرع 24 ساعه كاعد بالباب
المهم اجه ابو داوود طلعني سحل
و استلمني دك كتل الراجديات تلعب ع وجهي
والجلاليق حيل مال واحد محروك كلبه ..
انوب هسه انت كتلتني غير تهدني
مايقبل يهدني يكول الا اربطه بالشباج
هههه
واهل المنطقه كله تجر بابو داوود يمعود عوفه
ليموت جوه ايدك وهو مايقبل يهدني
الحاصل ماخلصت منه الا عضيته من ايده
ودكيتهه ركضه للبيت
و 4 سنوات ماطاب بفرع بيت صادق من المسحته
لحد ماشلنه من المنطقة وخلصت ...
هههههههه
الموقف الثاني
اني احب الطوبة اهواي وجنت انظم بطولات
من جنه زغار وابد ماحب اخسر ولازم اني اخذ البطولة
بحيث اذا اخسر اسوي عركه واعيد اللعبه
فد يوم وصلنه نهائي وتعادل يعني صارت جزاءات
بقت تسديده وحده للخصم يسجلوهه يفوزون
اني بهاي الحالة شفت الوضع جدا خطر
ولحسن الحظ جان اللاعب الي يريد يسدد
هو صديقي حمودي فأخذته ع صفحه كتله حمودي
اليوم مسوين كباب وفواكه بالبيت ضيعهه
واخذك اغديك كباب ببيتنه
وصدك حمودي شاتهه عاليه والحمد لله اخذنه البطولة
وغديته كباب هاي ابد مانساهه ولسه
يذكروني بيها اصدقائي هههه..
هههههههه
الموقف الثالث
اول مدخلت الجامعه بحفلة التعارف
صعدت ع المنصه اقدم روحي بديت السلام عل..
بعدني ما مكمل ( سلام عليكم ) وجان تطفى الكهرباء
وهي بدت صافرات الاستهجان ع اعتبار اني فكر
هههه
وره شوي رجعت الكهرباء عدت السلام عليكم
شباب اسمي منتظ... وهم طفت الكهرباء
وهاي الشباب كام يصيحون
( طفاهه .. طفاهه )
عود اني طفيت الكهرباء
هههه
المهم نزلت وماقدمت روحي ووره الحفله
ياهو ليشوفني يباوع ويضحك ،
كان يوم من الايام السود بحياتي
ههههه
النكات
(1)
اكو محشش راح لدكتور كله دكتور
اني كل ما انام اتحلم بروحي اتسابق
الدكتور كله اوك جرب اليوم ماتنام
المحشش كاله مستحيل اليوم النهائي
ولازم افوز على هاذ ابو سيارة الخضرة
(2)
وحده تكول البارحه لكيت زوجي يخابر وره البيت
اجيت من وره على كيف كتله شدسوي
من الصدمة كال جاي اصاحب خابرتي
(3)
اكو واحد كلش مايع لازم الدله مال الكهوة
بليمنه والفنجان بليسرة..
ويوزع كهوة عمو اتريد كهوة عمو اتريد كهوة
فشافه شايب من الشياب القدماء وصارن اعيونه بكصته
وصاح للولد اليوزع كهوة وكله ولك يمنتك يسرتك ..
ويسرتك يمنتك جان المايع كله
الله هاي كلش حلوة زين تكدر اتكول
بطتنه بطت بطن بطتكم مثل ما بطتكم بطت بطن بطتنه
هههههه
(4)
وحدة نايمة النهار كله يم اهل زوجها
گعدت قبل الفطور بدقيقتين گالت لعمتها
عمة اساعدكم بشي كلتلها اي عمة گومي أذني
اني كل ما انام اتحلم بروحي اتسابق
الدكتور كله اوك جرب اليوم ماتنام
المحشش كاله مستحيل اليوم النهائي
ولازم افوز على هاذ ابو سيارة الخضرة
(2)
وحده تكول البارحه لكيت زوجي يخابر وره البيت
اجيت من وره على كيف كتله شدسوي
من الصدمة كال جاي اصاحب خابرتي
(3)
اكو واحد كلش مايع لازم الدله مال الكهوة
بليمنه والفنجان بليسرة..
ويوزع كهوة عمو اتريد كهوة عمو اتريد كهوة
فشافه شايب من الشياب القدماء وصارن اعيونه بكصته
وصاح للولد اليوزع كهوة وكله ولك يمنتك يسرتك ..
ويسرتك يمنتك جان المايع كله
الله هاي كلش حلوة زين تكدر اتكول
بطتنه بطت بطن بطتكم مثل ما بطتكم بطت بطن بطتنه
هههههه
(4)
وحدة نايمة النهار كله يم اهل زوجها
گعدت قبل الفطور بدقيقتين گالت لعمتها
عمة اساعدكم بشي كلتلها اي عمة گومي أذني