رمضان كريم عليكم وعلى عوائلكم الكريمه
يسعدنا ويسرنا جدا بأن نضع بين أيديكم
حلقة جديده من البرنامج
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان ضيفنا لهذه الحلقه
عضو متآلق في سماء الفخامه
يمتازبروحه الجميله ودمه الخفيف
انه
.jpg)
TOONY
عضو متآلق في سماء الفخامه
يمتازبروحه الجميله ودمه الخفيف
انه
TOONY
المواقف
الموقف الأول
أول موقف صار وياي من كنت بثاني أبتدائي
وقتها كانت الوالده توصلني للمدرسه
وارجع وراها للبيت
لان ماكنت احب المدرسه
ما احجيلكم زايد ذاك اليوم وصلتني الوالده للمدرسه
وماكو هي رجعت فتحت الباب
ودخلت للبيت وانا دخلت وراها
انا ما ادري شنو السالفه
أول مره ماتصيح عليه او تسوي شيء
طلع الوالد راجع من الشغل بغير عاده
الظاهر متفقين يغسلني
هههههههههه
المهم دخلت للغرفه ودخل
وراي السيد الوالد المهيب الركن
هههههههه
خويه هو سألني ليش بابا رجعت اليوم من المدرسه
هن كلمتين كلتهن بابا اريد دفاتر وماعندي
جاوبني بنبره حزينه جدا"
ليش محد يشتريلك
وعينكم ماتشوف الا النور
الله يشهد ورسوله سمطني جلااااق
هو جلااااق وهي شخه (بوله) على روحي
وهو انا ركض للمدرسه شلون وصلت ما ادري
بقيت كاعد باب المدرسه استحي ادخل ملابسي مبلله
بس من شفته جاي من بعيد دخلت
وراها جرررريت عدل وصرت حتى الجمعه
هم اريد اداوم
ههههههههههه
الموقف الثاني
بعد ايام الزعاطيط مشكله تصير طلايب بالصف
والساحه مالت المدرسه
ف اكو ولد تعاركت وياه
ومع العلم هذا الولد أسمر يعني كلش
ظلمه ودليلها الله
خويه شحجيلكم تعاركنا وبعد مثل ما تعرفون
صرت خوش زلمه وكتله من تحل المدرسه نتعارك برا
أويلاااااااه خويه اخر درس وطلعنا للبيت
بالشارع اتجمعوا الطلاب لان اليوم عركه راح تصير
واجه ابو سمره
خويه انا الي اذكره ضربته بوكس واجه بخشمه
لان بصراحه وين ما اضربه يجي بخشمه
خشمه ماشاء الله أفرش ونام
الولد طاح هذا كل الي اذكره
لان ولد عمه واخوه ماقصروا كاموا بالواجب وياي
ههههههههههههههه
وكتله ثري دي
الموقف الثالث
نزلت بالحوض مال الماطور مال الماي
لان بيه مشكله فطلعت الماطور
ورتبته وردت انزله
فصحت ل أخوي حتى يتاكد من الواير بالكهرباء
حتى يفصله
الاخ ما قصر طلع مركب الواير
واخوكم داخل بالحوض
وركبت الانابيب مالته وحطيت ايدي عالواير
حتى اربطهن وحسيت بوقتها
شعور مختلف يشهد الله طلعت من الحوض بقدرة قادر
طلعت احجي لغه عجيبه
قاق قيق واق ويق
الله يحفظكم هن هواي مواقف بس اكو بيهن
يفشلن والله
هههههههههههه
النكات
(1)
واحديگول بعد صلاة الفجر رجعت لبيتنه
ولگيت چم نفر مجتمعين على ثور يردون
ايركبونه السياره وما ديگدرون ,
يكول قربت منه ومسحت على راسه
وركب السياره بهدوء وكلت بنفسي بركة صلاة الفجر
ولمن وصلت ال بيتنه ,,لگيت امي تصرخ تقول ثورنا باگوه
كال وانا اضحك وهي اتصرخ التفتت صوبي وكالت
ليش تضحک ؟ كلت الها الثور, عرفني وانا ماعرفته!!!
والله زحمه
هههههههه
(2)
هذي اكو عجوز طكتها كورونا
شردت من المستشفى وحاصروها يردون يحجرونها
كالتهم والعباس الي يتقرب أتفل عليه
هههههههههههه
(3)
اكو طلاب ثنين واحد اسمه حامد واحد اسمه محمد
أول يوم بالمدرسه وكعدو اول رحله
فدخل عليهم المدرس حاول يتعرف عليهم
كال للاول كوم انت شسمك كاله حامد
كله شتحب تصير من تكبر
كاله اتمنى اصير دكتور واتزوج وحده حلوه
وادللها واشتريلها بيت وسياره وانطيها فلوس
وشتريد انطيها
كاله المدرس اكعد
كال للثاني كوم
انت شسمك.. كاله محمد
كاله شتحب تصير من تكبر
كاله اتمنى اصير مرت حامد
يكلك المدرس لحد الان نايم بالمستشفى
من ورى الضحك
ههههههههه
(4)
مسطول عنده مرايه بالكنتور فتحهه بالليل
شاف نفسه اخترع وراح خابر الشرطه
كلهم عندي حرامي بالكنتور
وصل الشرطي جان يفتح الكنتور وشاف نفسه هماتين
جان يضرب المسطول كف كله مدام عندك شرطي
ليش داز علينه