بزوبة حلم..

[العـ عقيل ـراقي]

أرسمك مشتهه ونعس
واطيور بيض
فوگ شباج أمس
وأكتب اسمك ملفوف بحرز
وألم حدر احروفك شمس
ويتلاوه ملاوه خصرك
وي النهد چن زفت عرس
وأنه صافن بربيع أشفاك
وردة وي وردة بيه تجس
هناك بزوية الحلم
رمش يتواكح مواكح شرس
شفت بعيونك احروب
وسلام مطرز وجوه ديرتنه
چن عطر حچيك
يبهذل حالنه ويمردنه
أوگفت عله حيلي للمشابگ
طيب العبايه بحنيه لفنه
درت عيني عله الزيج
يفوح أنجوم بيه تيهنه
گلت أحضنك وخفت
تاذيك حضنتنه
فز بيه الحلم لهناك
چن غافي ابرد
وبعيد عن ديرتنه

16/05/2021
العـ عقيل ـراقي

 

[✿قہہمہہر✿]

رد: بزوبة حلم..

عاش ذوقك واحساسك

 

[mohammed.shams]

رد: بزوبة حلم..

لجهودكم باقات من الشكر والتقدير على المواضيع الرائعه والجميلة

 

[العـ عقيل ـراقي]

رد: بزوبة حلم..

شكرا لحضوركم
وروعة تواجكم
كل الاماني
عقيل العراقي

 

[قيصر الحب]

رد : بزوبة حلم..

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[العـ عقيل ـراقي]

رد: بزوبة حلم..

شكرا لحضورك
مع الامتنان
عقيل العراقي