بسكته بلايه صوت واحجي والليل

[فقار الكرخي]

بسكته بلايه صوت واحجي والليل
واسولفله بدمع وبهضمي اشكيله

وكله اعليك دمعي نريد للعباس
هم يدري الكفل بعده ب مداليله

وسوالفله مصايب بعده من طاح

ادنك والسياط علمتن هيله

يكلي الليل زينب بسج النوح
تره غاب الكمر ومظلمه الليله

ويحاجيني الشمر ها زينب شبيج

بعنادي اعله جسمك يسحك بخيله

وصله الحجي عباس لاتحتار

ياليل اهدعش كفالي اوصيله

وكله وداعتك ذلت اخشوم الكوم

وماطاحت عبايه ومالت الشيله

كفلت بالظعن يوم الوكعت هناك

وحل صارت لجل المالهم حيله

بت حيدر علي وموش ياهو الجان

شتظنها ادنكت ليزيد تبجيله؟








لـ فاطمة الجياشي

 

[جنون العاطفه]

رد: بسكته بلايه صوت واحجي والليل

الله عليك
سلام الله ع زينب والكافل
احسنتي فقاار عاشت ايدك
ودي وجنائن وردي

 

[قيصر الحب]

رد : بسكته بلايه صوت واحجي والليل

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[سعد العراقي راقي]

رد: بسكته بلايه صوت واحجي والليل

شكرا لجهودك
تحياتي لك

 

[mohammed.shams]

رد: بسكته بلايه صوت واحجي والليل

لجهودكم باقات من الشكر والتقدير على المواضيع الرائعه والجميلة