احد الطلاب كان ملتحقآ بالحشد الشعبي وبعد عودتة فوجئ بالإمتحانات فلم يجيد الجواب وقف على رأسه الاستاذ وسأله الاستاذ (ليش ابني صافن غركانه السفن) لم يستطع الرد عليه فكرر عليه الإستاذ قوله : (ليش بابا وين ملتهي عن ادروسك)
أجابه الطالب ..
كلبي ضل فوك السواتر وانه اجيت..
والحشد كال ابعجل روح امتحن..
انا عايف كلشي بس شاري الضمير..
وناوي احرر كاعي ولو بيهه اندفن..
من اجيت الهسه ثق ماجاني نوم..
والسهر يتلاشه ضل فوك الجفن..
والله مو كسلان شاطر بس عجيب..
وانت ماتدري اشكثر مرت محن..
ناس عالساتر بقت عطشانه موت..
وانت جاي اتكلي غركانه السفن..
غركت الشبان بالدم والتراب..
وانا امس يمهم طلعت من الكبر..
لاتعاتبني العتب هيجلي روح..
والله ماضايج لون اخذ صفر..
بلكي ارد للمعركة والكالي شاب..
يضحك...يأشرلي بيده عالنصر..
