بيّنَت شيبه اعله زلفه

[عطري وجودك]

يمّه حضنت الصور زفّة
واليحضن احبابه تِكَفّه
مرّت سنين وروحه ترفه
بس بيّنَت شيبه اعله زلفه
........
شلون الصور لو جاسها الشيب؟
شلون ابچي والطم والحزن عيب
شلون الجرح لو ما رضه يطيب
يمّه حسن يا نبعة الطيب
.......
يام حسن طبع اولاد غاوي
ظلت صورهم بالگهاوي
واحدهم اعله الموت ناوي
صبّيلهم بام العراوي
.........
يام حسن هذا الموت تدرين
عمره بعمرهم صار عشرين
احزيران يشرب ماي تشرين
وتخضّر الشبّان بالطين
.........
يم حسن دلّيني بدربهم
بصرخة ظلم شگّت گلبهم
بشط استحى يموت بگربهم
بحفنة ملح بدموع ربهم
.........
احچيلي عن اطفال تشتاگ
والنهر ينغط، والفجر غاگ
گام الدمع بالماي ينضاگ
والماي، ماي ..
ويسگي الفراگ
........
يام حسن لا تبچين وابچي
خايف تطگ الروح واحچي
نتچّي لبعضنه، ومن نتّچي
يطيحون ..
بس محّد يرچي
..........
يام حسن اعذريني الدمع فز
وسيف الجريمة شما يفِز حَز
برگابنه الحلوين تلتز
چا ليش يتولّونهم جز؟
......
ومرت عليچ اثنعش ستة
عد السياسي الموت بسته
وانتي الضوه
تشبگين بتّه ..
تبچين
ودموعچ تِزِتّه








عامر عاصي
​

 

[جنون العاطفه]

رد: بيّنَت شيبه اعله زلفه

روعااات حبي
عاش ذوقج الرااقي حبي
ودي وجنائن وردي لروحك وجمال طرحك

 

[عطري وجودك]

رد: بيّنَت شيبه اعله زلفه

اسعدني وشرفي المرور العطر
تقديري

 

[رمااد اانسان]

رد: بيّنَت شيبه اعله زلفه

اختيار موفق يسلموووو
ارق تحية

 

[عطري وجودك]

رد: بيّنَت شيبه اعله زلفه

اسعدني وشرفي المرور العطر
تقديري