حسن هادي
وسولفت للبيبان عنك
بشبابيج العمر تانيت، بس ما شفت شي منك
تمنيتك ...
تجي لحزني
عصافير وضحك وجفوف،
تشبكني بصبح لونك
أسمي، تراب يم حزنك
ووجهي، ولا يمر عينك
ضمني بصوتك حجاية، تعبت من المشي بدربك
أندلك
ولا تيهك..
هذاك انته نهر يجري بشراييني
سمار مسودن بطيني
ساعة موعد تبات ويه ايدي وتنتظر عيني
من هسه أعترف
دخان..
انته تبات بسنيني
وانه وياك..
متعوب ويتاني الصوت
متعوب ويتاني الموت
تابوتك مشه بروحي تعب، يرسم نهر مجنون
نهر فايض...
سواجيه حلم وعيون
كونك تندل ابتعبي،، أجيت ويه النهاية متون
كونك تندل بروحي،،
سافرة اعله مودي ألوان
مابيهن نهاية لون
الريح تتكسر عله الشباج والدنيه حلم غرگان
يمامش غير صوت
الريح يتلاعب على البيبان
أدورك وين بلظلمه بعمه عيوني
بسواجي مسودنه والروج يطبر هامت النهران
أدورك وين بنسيان
أصعد لسمه هلالين لعيونك ورد تعبان
هذا آنه فطر منسي بشفت الحيطان
وهذاك انته بطرف شعرك تضوي دروب الولايات
وكل ليله الحرن بلروح يمي يبات
ولك هذا الحزن جيثوم بيه يبات
حزن بعيوني ما يركد
غريب انته و غريب انه
وحزنه يشخبط الگمره بضباب اسود
ومن تطلك الدنيه بسفار عيوني تتمدد
وشوف الليل متبدي سراب بعتبت امتونك
تلمع الفضه بطارف سنونك
ومحد يهتم
لطاريك محد يسأل شلونك
وسولفت للبيبان عنك
بشبابيج العمر تانيت، بس ما شفت شي منك
تمنيتك ...
تجي لحزني
عصافير وضحك وجفوف،
تشبكني بصبح لونك
أسمي، تراب يم حزنك
ووجهي، ولا يمر عينك
ضمني بصوتك حجاية، تعبت من المشي بدربك
أندلك
ولا تيهك..
هذاك انته نهر يجري بشراييني
سمار مسودن بطيني
ساعة موعد تبات ويه ايدي وتنتظر عيني
من هسه أعترف
دخان..
انته تبات بسنيني
وانه وياك..
متعوب ويتاني الصوت
متعوب ويتاني الموت
تابوتك مشه بروحي تعب، يرسم نهر مجنون
نهر فايض...
سواجيه حلم وعيون
كونك تندل ابتعبي،، أجيت ويه النهاية متون
كونك تندل بروحي،،
سافرة اعله مودي ألوان
مابيهن نهاية لون
الريح تتكسر عله الشباج والدنيه حلم غرگان
يمامش غير صوت
الريح يتلاعب على البيبان
أدورك وين بلظلمه بعمه عيوني
بسواجي مسودنه والروج يطبر هامت النهران
أدورك وين بنسيان
أصعد لسمه هلالين لعيونك ورد تعبان
هذا آنه فطر منسي بشفت الحيطان
وهذاك انته بطرف شعرك تضوي دروب الولايات
وكل ليله الحرن بلروح يمي يبات
ولك هذا الحزن جيثوم بيه يبات
حزن بعيوني ما يركد
غريب انته و غريب انه
وحزنه يشخبط الگمره بضباب اسود
ومن تطلك الدنيه بسفار عيوني تتمدد
وشوف الليل متبدي سراب بعتبت امتونك
تلمع الفضه بطارف سنونك
ومحد يهتم
لطاريك محد يسأل شلونك
