تتگاطر عسل ..

[العـ عقيل ـراقي]

هنا وين رايح
وانه بيك متلولح
وسكران
ويتطوطح حيل
إگليبي من يمر طاريها
ريض وخلي احجيلك الحال
تتگاطر عسل
والزيج سبع تنفاس
وأهيم بحلو محاجيها
شفافك مرسومات
وسبحان راسمهن
يعگدن بالروح لچعات
ومحد غير يداويها
تعال بكل البيك
واخذ حته حبة الزردوم
واگلك بس إلك ترخص
وانته تبيعها وانته شاريها
يحلو اعيون
واشفافك گشر گمرة
شما تضحك
توچ الروح لباريها
يجيران الشط
ميل علي بهداي
ولد إولايه وكلش إگراب
بس لا شامت يطب بيها
خمس ابتوت اعلگهن اباب المراد
وأحزم خصر الايام بشوگي
وأفرج الناس عله حالي
وأگلك ياخايب راضيها
بيش احلفك
وانت شگاگة طلع
والتمر بيك يلوذ
يا طعم برحيه
فوگ اشفاف
الشط مخليها
ألم روحي واخاف
اعليك كلش من انفاس
ذمة برگبتگ ليوم الدين
ماي السبح بالك تذبه
هواي ناس معلولين
وبمايك تداويها
ناذر بس اشوفك
أحط عيوني عله المرسه
هلبت تشوف شراع محبتك
وتظل تهومش ليك
بلجن ترد ليها
عطشانين انه وريگ الايام
ومتانين جيت العيد
گضيناها كله اصيام
واجه العيد
ومامش لشفافي يرويها
گطرة گطرة
مثل مزنات الفجر
نگطهن علي
هلبت يرد النفس بيها


20/08/2019
العـ عقيل ـراقي

 

[وارفة الظلال]

رد : تتگاطر عسل ..

يتجسد الابداع دائما في
اطروحاتك عندما يكون
لها هذا التميز مجهود جدا رائع..
تحياتي لك

 

[العـ عقيل ـراقي]

رد: تتگاطر عسل ..

شكرا لك على
جميل ردك الراقي
كل الامنيات
مع صباح اجمل
عقيل العراقي

 

[ღ ترافــــة حرير ღ]

رد: تتگاطر عسل ..

دخيل ربك عقيل
دام نبضك ياعمري

 

[العـ عقيل ـراقي]

رد: تتگاطر عسل ..

شكرا لجميل حضورك
باقات فلٍ لك عزيزتي
تحياتي
عقيل العراقي

 

[قيصر الحب]

رد: تتگاطر عسل ..

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[العـ عقيل ـراقي]

رد: تتگاطر عسل ..

شكرا لحضورك عزيزي
كل الاماني
عقيل العراقي

 

[المايسترو]

رد: تتگاطر عسل ..

الله الله الله
كلش حلو
دمتم​

 

[العـ عقيل ـراقي]

شكرا لحضورك
امنياتي
عقيل العراق