تعاريف شعرية لمن يود القراءة

[عطري وجودك]

تعاريف شعرية لمن يود القراءة





انته ياهو ؟
انه ذاك الفرهدو ضحكاتي ناسي جي عشت طيب كلب

عمرك اشكد؟
بجنسيتي ميلادي زغير ! بوجهي ضيم اشكد جبير
عمري ما محسوب بأعداد السنين
عمري تايه بين حسبات الليالي
ابين شوغات الونين
انه شاب وماعشت طيش الشباب
كاضي ايامي حزين

عنوانك؟
وين ماصحلي وجع افرش وانام
بكل قصيدة ابياتها تسولف حزن
وين ماتلجمني صورة بيها اسكن

امنيتك؟
ارد المك انته اوغريضات عمري
بجنطة احزاني واسافر
هاي أمنيتي الوحيدة شكد بعيدة
جنها توم بعين عاجر

كلمه للعراق :
يعراق نسجدلك وفة والجبين ارصاص يحوي
وعاشكينك عاشكينك هندسك بالروح يضوي

لاكي نفسك؟
تايه انه منين ما اكلبها حيرة
مثل شعرة وضاعت بلفة ضفيرة

عرف الحب؟
جذبة صدكها الفقير وعاش بيها
ومن قست بيه الظروف
وانكشف وهم الحبيب
شاع جذبة وعود سماها النصيب

شنو الحيرة؟
الحيرة من تنطر بشر مو مالتك

والغربة؟
الغربة مو غربة وطن!
الغربة من تنزف حزن
واطشرك اهموم الزمن ، وماتلكه ليلمك حظن

صديقك الوفي؟
هنه باكيت الجكاير والشعر والكاس
هنه ذني الصاحَبني

انته وينك؟
انا ذاك الكتاب المترب اعله الرف

خايف؟
مثل خوف الطفل من يدخل اول صف

زين شسمك؟
اسمي تقراه امن اموتن من تجي تزور الكبر

نصيحتك الي؟
شيل روحك لا تنطر يشيلك بشر

اختصار الحياة؟
كلها ايام ونودع ماتضل بس الصور







نسيم لطيف
​

 

[جنون العاطفه]

رد: تعاريف شعرية لمن يود القراءة

احااااه تخببببببل كووولش
عاش ذوقج حبي
ابدعتي الاختياار
حبييييت
ودي وجنائن وردي

 

[رمااد اانسان]

رد: تعاريف شعرية لمن يود القراءة

اختيار موفق
يسلموووووووو على المجهود عطوره

 

[عطري وجودك]

رد: تعاريف شعرية لمن يود القراءة

اسعدني وشرفني المرور العطر
تقديري

​

 

[المايسترو]

رد: تعاريف شعرية لمن يود القراءة

الله الله الله
كلش حلو ​

 

[قيصر الحب]

رد: تعاريف شعرية لمن يود القراءة

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[عطري وجودك]

رد: تعاريف شعرية لمن يود القراءة

شكرا للمرور العطر
تحيتي والتقدير​

​